1 Bitrus 3:5 - Mɑ‑to̱ Shir Taku̱rda-o swo̱r o-nu pu̱-o̱

⁵ U̱n go̱ u̱n kà co̱w-yo ne'a-ne̱ so̱-ye̱ ye̱ n-ga ye̱ e̱sse̱ sakto̱-o̱ u̱n ye̱ be-de Shir à, kume̱ hi u̱n de u̱n ye̱ u̱t-ayewe̱. Ye̱ ya'ag campo̱ u̱n ye̱ ne̱ u̱t-go̱s.

1 Bitrus 3:5 ပူးပေါင်းရင်းမြစ်များ

Se̱nge̱-mo̱ 1:14

Kap ye̱ ka ye̱ hwo̱o̱g u̱r-hi u̱n no̱m u̱s-ko̱n, barag-se u̱n ye̱ u̱s-gaan mo̱sse̱ u̱n ye̱ ken ne'a-ne̱ ye̱ ne̱, u̱n Meri ne̱ inu Ye̱so, komo u̱n hen-ne̱ Ye̱so ne̱.

Se̱nge̱-mo̱ 9:36

U̱n bo̱-o̱ o-Jopa, wu̱ ken ne'a-wu̱ ro kon wan-neke̱-m Ye̱so jin-de u̱n wu̱ Tabita, wu̱ a m-ze̱e̱ Dorkas à. Ka Dorkas wu̱ ya'aste̱ hi u̱n de u̱n wu̱ sak n-me̱ u̱n no̱m u̱n rii-yo u̱r-bon, komo wu̱ ro u̱n gu u̱n ko̱o̱b-ne̱.

Apisu-ne̱ 5:33

Kap u̱n kaane̱ ne̱, ka ma-to̱ rem no̱ to̱ kap. Yage̱ ko̱ wu̱ ke campo̱-wu̱ cu̱nu̱t ne'a u̱n wu̱, bo̱ wu̱ ro̱ u̱n co̱nu̱ u̱n hi u̱n de u̱n wu̱ à. Ne'a ne̱, komo wu̱ 'ye campo̱ u̱n wu̱ u̱t-go̱s.

1 Timoti 2:10

Amba kashi m-se̱nge̱ mo̱ depe̱ ne'a-ne̱ à, mo̱ ro̱ no̱m u̱n rem-se u̱r-bon u̱n da-o̱ ye̱ kume̱ à, u̱n hwo̱r-ye̱ u̱n ye̱ ne̱ u̱n no̱m u̱n rem-se u̱r-bon be-de u̱n hun-ne̱. Ye̱ ro m-no̱m kaane̱ ye̱a kute̱ hun-ne̱ u̱nze ye̱ yan-gye̱r-o̱ Shir ye̱.

1 Timoti 2:15

Myet u̱n kaane̱ ne̱, Shir a gu ne'a-ne̱ u̱n bu̱-yo u̱n o-mat, u̱rege̱ ye̱ she̱re̱g be-u̱r Ye̱so, u̱n was u̱n o̱r u̱n ye̱ ne̱ ne̱, u̱n she'et-de ba m-ku̱ko̱p ne̱, u̱r-she'et ne̱ bo̱ depe̱ à.

1 Timoti 5:10

Wu̱ hun-ne̱ ro̱ u̱n 'ya m-se̱k remen wu̱ ro̱ m-no̱m rii-yo u̱r-bon à. Wu̱ ro̱ u̱n yoose̱ u̱n yakar-ye̱ u̱n wu̱ u̱r-bon ne̱ ne̱ à. Wu̱ ro̱ u̱n barke̱ u̱n hamat-ne̱ u̱n hur-o̱ u̱n wu̱ à. Wu̱ ro̱ u̱n nome̱ u̱n yan-dor Ye̱so m-gu̱w u̱n gwu̱gwe̱r-mo̱ u̱r-hi ne̱ à. Wu̱ ro̱ u̱n gu u̱n o̱r u̱n wu̱ ne̱ yan-dor à ye̱ ro̱ u̱r-ko̱o̱b à. Komo n-me̱ u̱n ko̱yan wu̱ ya'aste̱ hi u̱n du u̱n wu̱ be-de u̱n nom u̱n rii-yo u̱r-bon.

1 Timoti 5:5

Amba gu no̱ ko-gwo̱r-wu̱ ro̱tte̱ ne̱t-wu̱ he wu̱ m-gu á. Wu̱ rwo̱'e̱ sakto̱-o̱ u̱n wu̱ be-de Shir à. Wu̱ ro̱ u̱n ko̱n-se Shir m-ho̱w, m-te̱t ne̱, remen wu̱ kumut gwu̱ à.

Yahuda-ne̱ 11:11

Remen Saratu she̱re̱g be-de Shir, wu̱ nepste̱ Shir a no̱m yo wu̱ swo̱re̱ o-nu à. Shir ze̱e̱ru̱ wu̱a kum o-mat, ko̱ de wu̱ mo̱ngu̱te̱ arge̱ hak-se o-mat à. Komo wu̱ messe̱ wan-campo̱.

1 Bitrus 1:3

Depete̱ a ya'as Shir Tato-o Wan-Ko̱yan na Ye̱so Kiristi u̱r-bo̱ngo̱n remen 'wo̱n-de u̱n wu̱ u̱r-go̱s-de. Wu̱ ya'ag na mat-o pu̱-o̱ remen ka sakto̱-o̱ o̱ ya'asu̱ na m-ho̱o̱g à, bo̱ wu̱ 'yonse̱ Ye̱so Kiristi be-de u̱t-marimar à.