1 Bitrus 2:7 - Mɑ‑to̱ Shir Taku̱rda-o swo̱r o-nu pu̱-o̱

⁷ Be-u̱r no̱, no̱ ye̱ she̱re̱ u̱n wu̱ à no̱ nape̱ go̱ u̱n se̱ps-mo̱ Shir ya'u̱ wu̱ à. Amba ka ye̱ gini wu̱ à. Ma-to̱ Shir ze̱e̱g, “Ka ta'ar-de ya-u̱t-ma jore̱ à, de waragte̱ de jiish ko̱ de ke ta'ar-de u̱n be-de u̱t-ma.”

1 Bitrus 2:7 ပူးပေါင်းရင်းမြစ်များ

Matiyos 21:42

Ye̱so citu̱ru̱ ye̱, “Ashi, ¿no̱ we̱t m-karante̱ u̱n ge̱n-mo̱ u̱n Ma-to̱ Shir á? “ ‘Ta'ar-de ya-u̱t-ma ginme̱ à, de waragte̱ ta'ar-de jiishe̱ u̱r-bon myet be-de u̱t-ma à. Mo̱ ka no̱m-m Yawe mo̱, rii-yo u̱t-hyat yo ne̱ u̱n yish na.’

Ruka 2:32

Ya wu̱ ro̱ u̱ntu̱n cecas-mo̱ o-ra, mo̱ he rwo̱ u̱n ko̱ wu̱ ke m-haan be-de Shir à, komo wu̱ hantu̱te̱ m-se̱ps be-de u̱n hun-ne̱ ru ya-o-Isra.”

Ruka 2:34

Simo̱n konu̱ru̱ ye̱ o-kwu̱m. Komo wu̱ ze̱e̱ru̱ Meri, inu-o̱ u̱n ka wà-wu̱, “Ka wà-wu̱ Shir daagne̱ wu̱ remen wu̱ ye̱ ken ye̱a hye, komo ye̱ ken ye̱a ine̱ n-me̱ o-Isra. Wu̱a es o-napa be-de Shir, wu̱ hun-ne̱ de̱e̱n he m-no̱m ma-to̱ u̱t-yage̱ à.

Ruka 20:17

Ye̱so gwo̱tu̱ru̱ ye̱, wu̱ citu̱ru̱, “¿Ya ne̱ ka Ma-to̱ Shir to̱ ro̱ m-ze̱e̱? ‘Ka pam-yo ya-u̱t-mà yage̱ à, yo jiishte̱ ye̱ ka m-'wo̱ns kap.’

Yohana 4:42

Ka da-de ye̱ ze̱e̱ru̱ ka ne'a-wu̱, “M-mo̱ka te̱ hyanag wu̱ u̱n hi u̱n te̱, te̱ ho̱gu̱te̱ ma-to̱ u̱n wu̱. Te̱ ro̱ m-she̱r hur u̱n te̱ be-de u̱n wu̱, yanze remen rwo̱r-m ru á. Nip-o̱, wu̱ ka Wan-Gwu̱-o̱ u̱n ho̱no o-dak wu̱!”

Se̱nge̱-mo̱ 26:19

“Remen kaane̱, ko-Gwo̱mo Agirippa, me̱ yage̱ she̱r o-nip u̱n ka hyangan-to̱ haanu̱ me̱ e̱s-mo̱ n-To̱n shir á.

Roma-ne̱ 10:21

Amba mo̱sse̱ o-Isra-ne̱, Shir dooru̱ m-ze̱e̱, “U̱r-ho̱ bi, u̱m co̱no̱g ye̱ m-hongse̱ u̱n me̱ ne̱, u̱m barku̱te̱ yan-ko̱o̱b-de o-do̱ro̱tte̱ u̱n ya-u̱r-cikt ne̱.”

Roma-ne̱ 15:31

Ko̱n no̱ bo̱ u̱m he m-posse̱ u̱n kom-to̱ u̱n ye̱ yage̱ go̱ks u̱n Ye̱so à, ye̱ ro̱ u̱n dak-o̱ o-Judiya. No̱ kon komo bo̱ gwu̱-o̱ u̱m he m-heet o-Urusharima à, he m-warag rii-yo m-go̱ks be-de u̱n yan-dor Ye̱so, ye̱ ro̱ u̱n ka be-de à.

2 Korinti-ne̱ 2:16

Ye̱ ro̱ u̱n co̱w-yo m-sabre̱ à, ka wu̱s-o̱, wu̱s-o̱ m-mar o̱, o̱ ro̱ m-hante̱ m-mar à. Amba be-de u̱n ka ye̱ kume̱ gwu̱ à, shi'igin-mo̱ u̱n ho̱o̱g-mo̱. ¿Wu̱ ken wu̱ ro̱ ko̱n wu̱ he hoks m-de̱k u̱n nu̱-se u̱n ka se̱nge̱-mo̱?

Korosiya-ne̱ 2:10

Komo a mo̱ssu̱te̱ no̱ u̱n Kiristi, remen kaane̱ no̱ ro̱ u̱n ko̱yan ne̱, yo no̱ co̱ne̱ à yo o-Ku̱kt. Wu̱ wu̱ ro̱ u̱n gwo̱mo-to̱ u̱n ko̱yan yo ro̱ u̱t-gwo̱mo à.

Titus 3:3

A ro m-raag ne̱ n-ga, sa o zee hun-ne̱ ye̱ yage̱ m-she̱r be-u̱r Ye̱so m-mo̱ka à. A ro u̱n ko̱o̱b-de o-do̱ro̱tte̱, komo hun-ne̱ ro rakstu̱ na. Sa o zee gu̱w-ne̱ a ro'e̱, ye̱ go̱p-de u̱n no̱m u̱n rem-se u̱n me̱n-u̱t jaas-to̱ garamse̱ à, se ye̱ ro̱ m-ho̱ge̱ re̱re̱m-mo̱ m-no̱m à. N-ga a ro shiishe̱ u̱n me̱n-u̱t jaas-to̱, u̱r-shoob ne̱, ye̱ kututu̱ na u̱t-yage̱, na u̱n cen na, a ro̱ u̱t-yage̱ u̱n ye̱ ne̱.

Yahuda-ne̱ 11:31

Remen Rahab ko-kaar-wu̱ she̱re̱g be-de Shir, o̱ rwo̱'e̱ wu̱ merte̱, mo̱sse̱ u̱n yan-ko̱o̱b-de o-do̱ro̱tte̱ ne̱ á, remen wu̱ go̱kste̱ ya-m-se̱ge̱r o-bo̱ Isra-ne̱ n-me̱ u̱n hur-o̱ u̱n wu̱, wu̱ go̱kste̱ ye̱ u̱ntu̱n nay-ne̱ ye̱ u̱n wu̱.

Yahuda-ne̱ 4:11

A se̱ngu̱ no̱ a tu̱wu̱t no̱ u̱n ká wu̱we̱-de. Taase wu̱ ken wu̱ taage̱ m-co̱w remen ko̱o̱b-de u̱n do̱ro̱tte̱-o̱ u̱n wu̱, bo̱ ye̱ ka taage̱ m-co̱w à.

1 Bitrus 1:8

Ko̱ de nomte̱ no̱ we̱t Ye̱so m-hyan á, amba no̱ wu̱ m-was. Ko̱ de no̱tte̱ wu̱ m-hyan m-mo̱ka á, komo no̱ she̱re̱g be-de u̱n wu̱. Komo yatt gom-to̱ he m-hoks m-rwo̱r bo̱ no̱ ro̱ o-zak, u̱n zak-o̱ rwu̱u̱ne̱ be-de Shir á.

1 Bitrus 2:4

Haan no̱ be-u̱r Ye̱so Kiristi. Wu̱ ro̱ ta'ar-de u̱n ho̱o̱g de hun-ne̱ ginme̱ à, amba Shir dak wu̱ komo wu̱ 'ye wu̱ u̱t-go̱s de̱e̱n.

1 Bitrus 2:8

Ma-to̱ Shir ze̱e̱g, “Ka ta'ar-de ro̱ m-rwo̱ u̱r-pu̱kse̱, komo de ro̱ ye̱ m-he̱e̱s remen cikt-de u̱n ye̱.” Ye̱ ro̱ m-pu̱kse̱ remen ye̱ yagu̱te̱ o-do̱ro̱tte̱ u̱n Ma-to̱ Shir, o̱ ye̱tte̱ m-oos u̱n kwu̱kwu̱r-de Shir cooge̱ remen u̱n go̱ u̱n ye̱ à.