1 Bitrus 2:5 - Mɑ‑to̱ Shir Taku̱rda-o swo̱r o-nu pu̱-o̱

⁵ Komo ya no̱ ro̱ u̱ntu̱n ta'ar-to̱ u̱n ho̱o̱g, to̱ a meete̱ hur-o̱ o-Ku̱kt à. No̱ waragte̱ bu̱u̱g-de u̱n yan-Co̱w u̱n ko̱n-se Shir ye̱ u̱n ba m-ku̱ko̱p, no̱ sekete̱ seke̱-to̱ o-Ku̱kt u̱n bu̱-o Ye̱so Kiristi. Shir ro̱ m-go̱ks go̱n ka seke̱-to̱.

1 Bitrus 2:5 ပူးပေါင်းရင်းမြစ်များ

Roma-ne̱ 12:1

Remen kaane̱, o̱r re ne̱, me̱ no̱ u̱s-ko̱n remen ka 'wo̱n-de Shir de, ya'as no̱ wu̱r-u̱t no̱ u̱t-seke̱, to̱ ro̱ to̱ u̱n ho̱o̱g à, to̱ u̱n ba m-ku̱ko̱p, to̱ Shir co̱ne̱ à. Kaane̱ ro̱ co̱w-yo o-nip yo no̱ hette̱ m-se̱ke̱mse̱ u̱n Shir à.

Roma-ne̱ 15:16

U̱m waragte̱ wan-se̱nge̱-m Kiristi Ye̱so be-de u̱n ye̱ ro̱ Yahuda-ne̱ á. Me̱ u̱n se̱nge̱-mo̱ u̱n ko̱n-se Shir u̱n bu̱-yo m-ko̱'o̱t u̱n Ma-to̱ m-Re̱re̱m to̱ Shir remen ye̱ ro̱ Yahuda-ne̱ á, ye̱ waragté̱ rii-yo u̱r-seke̱ yo Shir he m-go̱ks à. Ye̱a warag ba m-ku̱ko̱p u̱n bu̱-yo u̱n Ku̱kt-o̱ Shir.

1 Korinti-ne̱ 3:16

¿No̱ nap u̱nze no̱ u̱n hi u̱n no̱ Pyo-o̱ Shir o̱ no̱ ro̱ á, be-de Shir ro̱ m-she'et?

1 Korinti-ne̱ 3:9

Remen te̱ yan-gu̱w-mo̱ Shir ye̱, komo no̱ yan-dor u̱n bo̱-o̱ o-Korinti kat-o̱ Shir o̱. Mà-to̱ Shir no̱ ro̱ komo.

1 Korinti-ne̱ 6:19

¿Ko̱ no̱ nap u̱nze wu̱r-u̱t no̱ pyo-o̱ u̱n Ku̱kt-o̱ Shir o̱, o̱ ro̱ be u̱n no̱, komo o̱ rwu̱u̱ne̱ be-de wu̱ á? Komo no̱ ye̱ yan-be̱e̱b-de u̱n hi u̱n no̱ á, amba Shir.

2 Korinti-ne̱ 6:16

¿Ya mo̱sse̱ Pyo-o̱ Shir u̱n pyo-o̱ m-gir ne̱? Na Pyo-o̱ Shir o̱, o̱ u̱n ho̱o̱g. Bo̱ Shir ze̱e̱ à, “Man she'et mo̱sse̱ u̱n ye̱ ne̱, u̱m tu̱we̱ n-me̱ u̱n ye̱. Man warag Shir o̱ u̱n ye̱, ye̱ komo ye̱a warag hun-ne̱ re.”

Garatiya-ne̱ 6:10

Remen kaane̱, ko̱yanda a kume̱ o-da, se̱ a nome̱ ko̱ wu̱ ke ne̱t-wu̱ rii-yo u̱r-bon, yo jiishe̱ ma à, ka ye̱ ro̱ o̱r na ne̱ ye̱ atte̱ she̱r-m gaan à.

Piripi-ne̱ 1:11

U̱m ko̱no̱g bo̱ ho̱o̱g-m no̱ u̱n hur-u̱r no̱ ne̱ he m-do̱ m-kashi à, u̱n be̱e̱b-u̱r Ye̱so Kiristi, kap yo ka yo me̱ u̱s-ko̱n remen da-o̱ hun-ne̱ nape̱ u̱nze no̱ u̱s-barag no̱ no̱m kaane̱, ye̱a 'ye Shir m-se̱k, ye̱ bu̱m wu̱.

Piripi-ne̱ 2:17

Amba ko̱ a duus me̱ u̱ntu̱n rii-yo m-swo̱ yo u̱r-seke̱ u̱n gu̱w-mo̱ ro̱ m-rwu̱u̱n ne̱ be-de u̱n she̱r-m no̱ à, me̱ m-ho̱ge̱ m-re̱re̱m o-zak ne̱ u̱n no̱ kap.

Piripi-ne̱ 4:18

Nap no̱ u̱nze yo no̱ to̱mnu̱nte̱ me̱ à wo̱o̱nte̱ be u̱n de, komo yo aragte̱ bo̱ u̱m co̱ne̱ à, cin da-o̱ E̱paraditus hante̱ me̱ ka saw-to̱ no̱ to̱mo̱nte̱ wu̱ à. Ya ro̱ sa o zee no̱ ya'ag Shir no̱w-mo̱ m-shi'igin, mo̱ u̱r-seke̱, Shir go̱kste̱, komo wu̱ ho̱gu̱te̱ m-re̱re̱m.

Korosiya-ne̱ 3:17

Myet bo̱ u̱n rii-yo no̱ m-ze̱e̱ u̱n yo no̱ m-nom ne̱ à, nom no̱ yo n-me̱ u̱n jin-u̱r Wan-Ko̱yan Ye̱so. No̱ se̱nge̱ bo̱ngo̱n-de Shir o-Tato u̱n bu̱-yo u̱n Wan-Ko̱yan Ye̱so.

1 Timoti 3:15

Amba me̱ nome̱ m-it, kà taku̱rda-o̱ he wo̱ m-kute̱ bo̱ hun-ne̱ he m-she'et à be-de yan-dor o-Shir. Hun-ne̱ ye̱ Shir ye̱ ro̱ u̱n den-o̱ Shir wan-ho̱o̱g à. Kà hun-ne̱ ye̱, ye̱ ro̱ u̱ntu̱n caar-yo o-cin u̱n 'wu̱n-de o-nip ne̱.

Yahuda-ne̱ 3:6

Amba Kiristi no̱mo̱g o-nip bo̱ wu̱ ro̱ Wà u̱n hur-o̱ Shir à. Shir ro̱ m-she̱r u̱n wu̱ u̱n gwo̱mo-to̱ u̱n hun-ne̱ ye̱ Shir. Komo a ro̱ ká hun-ne̱ ye̱, u̱rege̱ a ro̱ u̱n jaab-o̱ u̱t-me̱n ne̱, komo a nom u̱s-se̱s u̱n sakto̱-o na ne̱, ka o̱ ro̱ n-me̱ Kiristi.

1 Bitrus 2:9

Amba no̱, Shir u̱n daag no̱ hun-ne̱ kashi, bu̱u̱g-de yan-Co̱w u̱n ko̱n-se Shir, hun-ne̱ ye̱ ba m-ku̱ko̱p, hun-ne̱ ye̱ Shir, remen no̱ nomoté̱ wu̱ u̱r-bo̱ngo̱n. Wu̱ rwu̱ntu̱tu̱ no̱ be-de o-comb, wu̱ hantu̱ no̱ be-de m-cu̱cas.

1 Bitrus 4:11

U̱rege̱ wu̱ ken wu̱ ro̱ u̱t-ma, se̱ wu̱ nom u̱ntu̱n wu̱ ro̱ m-rwo̱r u̱n Ma-to̱ Shir à. U̱rege̱ a ya'ag wu̱ ken yar-mo̱ u̱n gu u̱n hun-ne̱, se̱ wu̱ nom u̱n be̱e̱b-de Shir ya'u̱ wu̱ à. Remen u̱n ko̱ yo ke rii-yo Shir a kum u̱r-bo̱ngo̱n rem Ye̱so Kiristi. Me̱ u̱s-ko̱n hun-ne̱ a 'ye Shir m-se̱ps, u̱t-gwo̱mo ne̱, ba m-ta. Amin.

1 Bitrus 4:17

Da-o nomoste̱ o̱ Shir hette̱ piishe̱ u̱n hun-ne̱ ye̱ u̱n wu̱ u̱t-ma à. Komo u̱rege̱ piish u̱n ma-to̱ u̱n wu̱ takante̱ be-u̱r na. ¿Ya he ko̱r u̱n ye̱ yage̱ nome̱ u̱n ma-to̱ u̱n wu̱ o-do̱ro̱tte̱ Ma-to̱ m-Re̱re̱m to̱ Shir?

U̱t-Hyangan 1:6

Wu̱ u̱n daag na remen a waragté̱ hun-ne̱ ye̱ u̱n gwo̱mo-to̱ u̱n wu̱, komo yan-Co̱w u̱n ko̱n-se Shir. Wu̱ u̱n no̱m kaane̱ remen a nomoté̱ Shir, Tato-o̱ u̱n wu̱ m-gu̱w. Yage̱ a ya'aste̱ m-se̱ps kap u̱r-be̱e̱b ne̱ be-de u̱n wu̱ ba m-ta! Amin.

U̱t-Hyangan 20:6

Ya-o-zak-ye̱, yan-ba-m-ku̱ko̱p, ye̱ ro̱ u̱r-kwu̱ku̱r ne̱ be-de u̱n ka ine̱-mo̱ u̱r-takan mo̱. Mar-m ayoore̱-mo̱ ro̱tt u̱r-be̱e̱b be-de u̱n ye̱ á, amba ye̱a warag yan-Co̱w u̱n ko̱n-se Shir u̱n Kiristi, komo ye̱a re u̱t-gwo̱mo u̱n wu̱ ne̱ har u̱s-hak dugu-o gaan [1,000].

U̱t-Hyangan 3:12

Be-de u̱n ko̱wan wu̱ re̱ u̱r-ho̱ de u̱n ko-Gwo̱mo-wu̱ u̱n ya-u̱t-ko̱t à, man muut wu̱ o-dááb n-me̱ u̱n Pyo-o̱ Tato re. Ka ne̱t-wu̱ a tek yage̱ u̱n ka be-de á. N-to̱n u̱n wu̱r-o̱ u̱n wu̱ u̱m he m-ge̱n: Jin-de Shir re, u̱n Jin-de u̱n bo̱-o̱ Shir ne̱ (wata Urusharima-o pu̱-o̱, o̱ he m-kergu̱ne̱ e̱s-mo̱ n-To̱n shir à), u̱n Jin u̱n de ne̱ u̱r-pu̱ de.

U̱t-Hyangan 5:10

O muutu̱ ye̱, ye̱ waragté̱ yan-Co̱w u̱n ko̱n-se Shir, ye̱ nomoté̱ Shir m-se̱nge̱, komo ye̱a nom u̱t-gwo̱mo be-de u̱n hun-ne̱ ye̱ u̱n ho̱no o-dak.”