1 Bitrus 2:16 - Mɑ‑to̱ Shir Taku̱rda-o swo̱r o-nu pu̱-o̱

¹⁶ She'et no̱ sasa, amba myet u̱n kaane̱ ne̱, no̱ hyan no̱ ro̱ sasa no̱ cu̱w nom u̱n rii yo̱-yo á. U̱n su̱ge̱-de u̱n kaane̱ ma, she'et no̱ u̱ntu̱n yan-gu̱w-mo̱ Shir.

1 Bitrus 2:16 ပူးပေါင်းရင်းမြစ်များ

Matiyos 23:13

“Amba no̱ rii-yo u̱r-'wo̱n yo, no̱ yan-Yoos-de o-karamsa u̱n Parisa-ne̱. Ya-o-she̱pe̱! No̱ sanag hun-ne̱ ish-o̱ m-co̱w u̱n gwo̱mo-to̱ Shir. No̱ u̱n hi u̱n no̱ komo no̱ co̱w á.

Yohana 15:22

Me̱ ro haante̱, u̱m nome̱ ye̱ u̱t-ma á, ye̱ roa nep ba'as-to̱ u̱n ye̱ á. Amba u̱n haan-m re ye̱tt be-de m-posse̱ be-de u̱n ba'as-to̱ u̱n ye̱ á.

Roma-ne̱ 6:18

M-mo̱ka Shir uste̱ no̱ be-de gu̱w-mo̱ u̱r-ba'as, no̱ waragte̱ gu̱w-ne̱ ye̱ Shir be-de u̱n no̱m u̱n kashi m-se̱nge̱.

Roma-ne̱ 6:22

Amba m-mo̱ka, no̱ po̱ssu̱te̱ be-de u̱r-ba'as, no̱ waragte̱ gu̱w-ne̱ ye̱ Shir. Kwu̱m-o̱ no̱ he m-kum kane̱ à o̱ ro̱ ho̱o̱g-mo̱ ba m-ku̱ko̱p, o̱ he no̱ m-rwo̱ no̱ kumut ho̱o̱g-mo̱ ba m-ta.

1 Korinti-ne̱ 7:22

Kap wu̱ ro̱ ko-gu̱w à, da-o̱ Wan-Ko̱yan aage̱ wu̱ à, Wan-Ko̱yan poste̱ wu̱ u̱n kom-to̱ ko-Gwo̱mo-wu̱ u̱n ya-u̱t-ko̱t. Kaane̱ komo wu̱ ro sak à da-o̱ a aage̱ wu̱ à, ko-gu̱w Kiristi wu̱.

Garatiya-ne̱ 5:1

Kiristi ustu̱ na remen a she'etté̱ sasa. Remen kaane̱ she'et no̱ sasa, taase no̱ she'et she'et-de u̱n gu̱w-ne̱ komo á.

Garatiya-ne̱ 5:13

O̱r re ne̱, Shir co̱no̱g no̱ she'et sak komo sasa. Amba we̱r no̱ taase ka she'et-u̱r no̱ de o-sasa de warag no̱ bu̱-yo u̱n do̱re̱ u̱n rem-se wu̱r-o co̱ne̱ à. U̱n su̱ge̱-de u̱n kaane̱, yagu̱ no̱ ka she'et-de o-sasa de wootu̱ no̱ u̱n nome̱ u̱n ye̱ ken ye̱ m-gu̱w n-me̱ m-was.

Apisu-ne̱ 6:6

No̱ no̱m saw-to̱ u̱n gwo̱t-o̱ u̱n yish cot remen ye̱ bu̱mu̱t no̱ á. Amba no̱me̱ no̱ ye̱ o-do̱ro̱tte̱ sa o zee Kiristi, no̱ m-nome̱, no̱m no̱ yo Shir co̱ne̱ à u̱n hur-u̱r gaan.

Korosiya-ne̱ 3:24

No̱m no̱ kaane̱, no̱ nep ha u̱nze Wan-Ko̱yan Ye̱so a top no̱. Remen kaane̱, nom no̱ se̱nge̱-m no̱ u̱r-bon ne̱. Wu̱a 'ye no̱ rem-se u̱r-bon se wu̱ e̱sse̱ hun-ne̱ ye̱ u̱n wu̱ à. Baks no̱ u̱nze Kiristi wu̱ ro̱ Wan-Ko̱yan no̱ wu̱ no̱ m-nome̱ m-gu̱w à.

1 Tasaronika-ne̱ 2:5

Bo̱ no̱ nape̱ à, ma-u̱t te̱ ba to̱ u̱n re̱re̱m-mo̱ nu to̱ á, komo ba te̱ u̱n yo ken co̱w-yo u̱r-go̱p yo ne̱ wuke̱ á. Shir wu̱ ro̱ te̱ m-su̱'e̱.

Yakubu 1:25

Amba ne̱t-wu̱ ro̱ m-tuwe̱ u̱n Ma-to̱ Shir yish, wu̱ ro̱ kaane̱ á. Ka ma-to̱ ro̱ u̱r-be ne̱, komo to̱ ro̱ na m-ruut be-de u̱n no̱m u̱r-ba'as, u̱rege̱ a m-se̱nge̱ u̱n no̱m u̱s-barag u̱n to̱. Ba wu̱ ro̱ m-ho̱ge̱ to̱-u̱t ke wu̱ á, amba wu̱ ro̱ m-no̱m u̱n yo to̱ zee à. Shir a 'ye wu̱ u̱r-ho̱ remen rii-yo wu̱ ro̱ m-nom à.

Yakubu 2:12

Ce̱p no̱ u̱t-ma, no̱ nom u̱s-rem u̱r-'wo̱n ne̱ be-de u̱n hun-ne̱, remen a nepste̱ Shir a kutu na 'wo̱n-de u̱n wu̱ rem Kiristi.

2 Bitrus 2:19

Ye̱ ro̱ m-ze̱e̱ u̱n hun-ne̱, “U̱rege̱ no̱ do̱ru̱te̱ yoos-u̱r te̱, Shir a ru̱ no̱ do̱re̱ u̱n ka karamsa-o̱ á. No̱a hoks m-no̱m u̱n yo̱ no̱ co̱ne̱ à.” U̱m ze̱e̱g ye̱ gu̱w-ne̱ remen u̱rege̱ ne̱t yagu̱te̱ rii hoks wu̱, ya wu̱ ro̱ u̱ntu̱n ko-gu̱w be-de u̱n ka rii-yo. Wu̱a hoks yo m-yage̱ á. Amba ka yan-yoos-de u̱t-bo̱ ye̱ u̱n hi u̱n de u̱n ye̱, ye̱ ro̱tt gwo̱mo-to̱ u̱n no̱m u̱n yo̱ ye̱ co̱ne̱ á. Gu̱w-ne̱ ye̱ ya m-no̱m u̱n rii-yo ba u̱r-bon yo, yo he ye̱ m-sabarse̱ à.

Yahudas 1:4

Me̱ u̱n rwo̱r kaane̱ remen ye̱ ken hun-ne̱ ye̱ co̱wo̱g be u̱n no̱ wukusse̱. Ye̱tt gye̱r-o̱ Shir á. Ye̱ ro̱ m-ze̱e̱ yar-mo̱ Shir ya'ag na u̱r-ke̱e̱r a she'ette̱ she'et-de ma saa. Ko̱m-de u̱n ka hun-ne̱ ro̱ cas cas remen ye̱ sha'ag Wan-Nap-u̱s na cot, Wan-Ko̱yan Ye̱so Kiristi. A nepste̱ ka yo ro̱ remen gense̱ to̱ ro̱ n-me̱ u̱n Ma-to̱ Shir cin n-ga.