1 Bitrus 2:15 - Mɑ‑to̱ Shir Taku̱rda-o swo̱r o-nu pu̱-o̱

¹⁵ Remen kaane̱ Shir co̱ne̱ no̱ nom rii-yo u̱r-bon. Da-o̱ no̱ no̱me̱ rii-yo u̱r-bon à, ká raag-ne̱ ye̱, ye̱ nape̱ Kiristi á, ye̱a hoks m-ze̱e̱ ko̱ rii á. Ye̱a hoks m-kum rem-se u̱r-geeg á.

1 Bitrus 2:15 ပူးပေါင်းရင်းမြစ်များ

Matiyos 25:2

Ne̱n taan be-de u̱n ye̱ raag-ne̱ ye̱, ne̱n taan komo ya-u̱s-we̱e̱r ye̱.

Matiyos 7:26

Myet bo̱ u̱n wu̱ ho̱ge̱ ma-u̱t re à, komo wu̱ yage̱ m-no̱m bo̱ u̱m zee à. Ya wu̱ ro̱ u̱ntu̱n wu̱ ken ko-raag-wu̱, wu̱ ma'e̱ hur-o̱ u̱n wu̱ n-te̱ m-hyereg à.

Roma-ne̱ 1:21

Ye̱ nepste̱ Shir, amba ye̱ ro wu̱ m-'ya u̱n se̱k-mo̱ depe̱ á, ye̱ ro wu̱ m-bo̱m á. Remen ye̱ no̱mo̱g kaane̱, barag-se u̱n ye̱ warag o-hwaa, hur-de u̱n ye̱, komo shiishe̱ de rowe̱ o-comb.

Garatiya-ne̱ 3:1

No̱ raag-ne̱ ya-o-Garatiya! ¿Wa zu̱ngsu̱ no̱ o̱? ¿Ko̱ wu̱ ken wu̱ u̱n nomo no̱ u̱s-baat? U̱m ru̱ru̱tu̱ no̱ cas cas u̱nze Ye̱so Kiristi marag n-to̱n o-kan.

1 Tasaronika-ne̱ 4:3

Remen kaane̱, o̱ ro̱ co̱n-mo̱ Shir, no̱ warag ba m-ku̱ko̱p, u̱nze no̱ som she'et-de o-ás.

1 Tasaronika-ne̱ 5:18

N-me̱ u̱n ko̱yan yo kumu no̱ à, no̱ bu̱m Shir, remen ka Shir co̱ne̱ be u̱n no̱ n-me̱ u̱n Ye̱so Kiristi.

1 Timoti 1:13

N-ga u̱m ro m-pyap u̱n Shir, u̱n yage̱-to̱ u̱n yan-dor Ye̱so ne̱, u̱n 'ya u̱n yan-dor u̱r-ko̱o̱b ne̱ de̱e̱n. Shir ho̱gu̱ru̱ 'wo̱n u̱n de remen me̱ ro nak yo u̱m ro m-nom á, komo u̱m ro u̱n ko̱o̱b-de m-she̱r ne̱ be-u̱r Ye̱so.

Titus 2:8

Yoos rii-yo ro̱ o-nip à, yo yatt-wu̱ he hoks m-yo'og á. No̱m kaane̱ bo̱ yan-yage̱-u̱t ru he m-ho̱ge̱ m-'e̱ à, remen ye̱a kum rii-yo ye̱ hette̱ wo̱ m-yo'og á.

Titus 3:3

A ro m-raag ne̱ n-ga, sa o zee hun-ne̱ ye̱ yage̱ m-she̱r be-u̱r Ye̱so m-mo̱ka à. A ro u̱n ko̱o̱b-de o-do̱ro̱tte̱, komo hun-ne̱ ro rakstu̱ na. Sa o zee gu̱w-ne̱ a ro'e̱, ye̱ go̱p-de u̱n no̱m u̱n rem-se u̱n me̱n-u̱t jaas-to̱ garamse̱ à, se ye̱ ro̱ m-ho̱ge̱ re̱re̱m-mo̱ m-no̱m à. N-ga a ro shiishe̱ u̱n me̱n-u̱t jaas-to̱, u̱r-shoob ne̱, ye̱ kututu̱ na u̱t-yage̱, na u̱n cen na, a ro̱ u̱t-yage̱ u̱n ye̱ ne̱.

1 Bitrus 2:12

No̱m no̱ ce̱e̱n no̱ she'etté̱ u̱r-bon ne̱ n-me̱ u̱n yan-bo̱r-u̱s no̱ ye̱ she̱re̱ o-nip á. Komo ko̱ ye̱ gu̱t no̱ gwo̱t-o̱ u̱n yan-no̱m u̱n rem-u̱s yo̱-se, ye̱a hyenes she'et u̱n no̱ u̱r-so̱-de. Ye̱a se̱ps Shir da-o̱ wu̱ he piishe̱ u̱n ho̱no o-dak u̱t-ma à.

1 Bitrus 3:16

Amba shas no̱ ye̱ u̱n gwegwe̱r-mo̱ u̱r-hi, u̱t-go̱s ne̱. No̱m no̱ rem-se u̱r-bon bo̱ hur-u̱t no̱a kaps no̱ á. No̱ jar o-jar no̱ nom rii-yo ba u̱r-bon á, remen ka ye̱ ro̱ no̱ m-tan o-yo̱ yo à, ye̱ hyenet m-'e̱ remen no̱ ye̱ ma Kiristi ye̱.

1 Bitrus 3:17

A jiish u̱r-bon u̱rege̱ co̱n-mo̱ Shir mo̱ no̱ su̱ u̱r-ko̱o̱b remen no̱ no̱mo̱g rii-yo depe̱ à o̱tte̱ no̱ su̱ u̱r-ko̱o̱b remen no̱m u̱n rii yo̱-yo à.

1 Bitrus 4:2

Komo kutute̱ na u̱nze ka ne̱t-wu̱ waktu̱nte̱ wu̱ yage̱ yo wu̱ ro m-co̱n à, komo wu̱ ro̱ m-co̱n wu̱ nome̱ Shir o-do̱ro̱tte̱ har u̱n ta-de u̱n ho̱o̱g-mo̱ u̱n wu̱.

2 Bitrus 2:12

Amba ka yan-yoos-de u̱t-bo̱ ye̱ ro̱ m-no̱m u̱ntu̱n gu̱t-to̱ o-ko̱t to̱ ro̱tte̱ be̱e̱b-de o-ceker á, amba ye̱ ro̱ m-no̱m yo wu̱r-to̱ u̱n ye̱ co̱ne̱ ye̱ nom à. An no̱m ka gu̱t-to̱ remen hun-ne̱ shipt komo ye̱ pen. U̱ntu̱ u̱t-gu̱t ka yan-yoos-de u̱t-bo̱ ye̱ ro̱, remen kaane̱ ye̱ ro̱ m-rwo̱r u̱n ma-u̱t yo̱-to̱ be-de u̱n rii-yo ye̱ nape̱ á.

Yahudas 1:10

Amba ka hun-ne̱ ye̱ ro̱ u̱n yo'og-o̱ u̱n rii-yo ye̱ nape̱ á, u̱ntu̱ u̱t-gu̱t ye̱ ro̱ to̱ ro̱ m-no̱m rii-yo to̱ co̱ne̱ à, ba u̱s-we̱e̱r, go̱n ka rem-se he ye̱ m-woot be-de o-sabre̱.