1 Bitrus 1:4 - Mɑ‑to̱ Shir Taku̱rda-o swo̱r o-nu pu̱-o̱

⁴ Komo wu̱ 'ye no̱ cim-yo u̱n ba m-sabre̱, yo a wu̱m ko̱ yo naase̱ á, e̱ssu̱sse̱ n-To̱n shir.

1 Bitrus 1:4 ပူးပေါင်းရင်းမြစ်များ

Matiyos 25:34

“Ka da-o̱ ko-Gwo̱mo he m-ze̱e̱ ye̱ ro̱ u̱n re̱-de u̱n wu̱ à, ‘Haan no̱, no̱ ye̱ kume̱ o-kwu̱m be-u̱r Tato re à! Go̱ks no̱ cim-yo u̱t-gwo̱mo yo Shir e̱ssu̱ no̱ cin u̱n takan-de u̱n ho̱no o-dak à.

Markus 10:17

Bo̱ Ye̱so hu̱u̱te̱ yakar nu-o̱ u̱r-bon à, wu̱ inu̱ru̱, wu̱ rwu̱u̱nu̱ru̱ u̱n co̱w. Wu̱ ken ne̱t-wu̱ hyambu̱ru̱ wu̱. Wu̱ teeru̱ru̱ o-rek. Wu̱ kwu̱ktu̱ru̱ u̱n co Ye̱so, wu̱ citu̱ru̱ Ye̱so. Wu̱ ze̱e̱ru̱, “Wa-u̱r-Yoos, wan-me̱n-u̱t pus-to̱, ¿re u̱m he m-no̱m u̱m kumut ho̱o̱g-o̱ ba m-ta?”

Se̱nge̱-mo̱ 20:32

“M-mo̱ka komo u̱m bo̱pstu̱ no̱ be-de Shir yage̱ ma-to̱ u̱n yar-mo̱ u̱n wu̱ eret no̱. To̱ he no̱ m-'yons, komo to̱ 'ye no̱ o-cim be-u̱r gaan u̱n yan-ba-m-ku̱ko̱p ne̱.

Se̱nge̱-mo̱ 26:18

Wo̱a upsu̱ ye̱ yish-ye̱ u̱n ye̱, ye̱ yagne̱ be-de o-comb ye̱ mu̱u̱n be-de m-cu̱cas, ye̱ yagne̱ komo gwo̱mo-to̱ u̱n ko-Gwo̱mo-wu̱ u̱n ya-u̱t-ko̱t ye̱ mu̱u̱n be-de u̱n Gwo̱mo-to̱ Shir. U̱n kaane̱ ye̱ hette̱ m-kum a soksu̱ ye̱ u̱t-ba'as, komo o-cim ne̱ mo̱sse̱ u̱n ye̱ warge̱ ba m-ku̱ko̱p ne̱ à kap remen ye̱ she̱re̱g be u̱n de.’

Roma-ne̱ 8:17

Bo̱ a ro̱ yakar-ye̱ Shir à, a waragte̱ ya-u̱r-gwu̱u̱g o̱ ka. Yan-re̱ u̱n gwu̱u̱g-de u̱n kwu̱m-o̱ Shir, u̱n nay-ne̱ ne̱ ye̱ u̱n re̱ u̱r-gwu̱u̱g mo̱sse̱ u̱n Kiristi ne̱. A su̱'e̱ u̱r-ko̱o̱b u̱n Kiristi ne̱, a se̱ke̱msu̱ na mo̱sse̱ u̱n wu̱ ne̱.

1 Korinti-ne̱ 9:25

Kap ya-m-se̱'e̱r, ye̱ ro̱ u̱n yoose̱ u̱n hi u̱n de u̱n ye̱ bo̱ ye̱ he garamse̱ u̱n hi u̱n de u̱n ye̱ à. Ye̱ ro̱ m-no̱m kaane̱ remen ye̱ reet m-yar mo̱ he m-tees à, amba mo̱ ma na yar-mo̱ mo̱ m-ta mo̱ á.

Garatiya-ne̱ 3:18

A ro ze̱e̱ge̱ a go̱ks cim-yo Shir u̱n bu̱-yo o-karamsa, ka da-de a roa kum yo u̱n bu̱-yo u̱n swo̱r o-nu á. Amba Shir ya'aste̱ Ibrahi ka cim-yo u̱n bu̱-yo u̱n ka swo̱r o-nu o̱.

Apisu-ne̱ 1:11

U̱n bu̱-o Kiristi komo, Shir daagu̱ na a waragte̱ hun-ne̱ ye̱ u̱n wu̱. Cin u̱r-takan wu̱ zo̱ngse̱ yo kà. Wu̱ wu̱ ro̱ u̱n no̱m u̱n ko̱ yo ke rii-yo bo̱ wu̱ co̱ne̱ à.

Apisu-ne̱ 1:14

Ku̱kt-o̱ Shir o̱ rwu̱ntu̱te̱ na cas u̱nze Shir a 'ye na rii-yo wu̱ swo̱re̱ o-nu à, yo rwo̱'o̱g na m-nap kane̱ u̱n co Shir a gu ye̱ ro̱ ye̱ ma u̱n wu̱ à. Yo ka komo remen bo̱ngo̱n-de u̱n se̱ps-mo̱ u̱n wu̱ o̱.

Apisu-ne̱ 1:18

Me̱ u̱s-ko̱n Shir tiksh hur-u̱t no̱, no̱ hyenet nip-o̱ rwu̱u̱ne̱ be-de u̱n wu̱ à remen no̱ nept ka sakto̱-o̱ wu̱ swo̱re̱ o-nu da-o̱ wu̱ dagnu̱ no̱ à. Komo no̱ nept u̱nze se̱ps-mo̱ Shir ro̱ u̱t-mo̱o̱r ne̱ o̱ wu̱ su̱rte̱ o-nu wu̱a 'ye hun-ne̱ ye̱ u̱n wu̱ à.

Korosiya-ne̱ 1:12

Te̱ komo u̱s-ko̱n be-de Shir no̱ se̱nge̱ bo̱ngo̱n-de Shir Tato-o na. Wu̱ wu̱ muutu̱ no̱ hun-ne̱ ye̱ u̱n wu̱, remen no̱ bo̱'o̱sté̱ kum u̱n ka cim-yo wu̱a 'ye hun-ne̱ ye̱ u̱n wu̱, ye̱ ro̱ u̱r-she'et m-cecas à.

Korosiya-ne̱ 1:5

M-she̱r m-was ne̱ mo̱ ro̱ m-rwu̱nte̱ dish-o̱ u̱n rii-yo o-kwu̱m yo Shir he no̱ m-bo̱pse̱ yo wu̱ e̱ssu̱ no̱ re̱e̱ n-To̱n shir à. No̱ ho̱gu̱su̱te̱ cin n-ga ne̱ rem-se u̱r-bon se Shir swo̱re̱ o-nu wu̱a nomo no̱ à. No̱ ho̱gu̱su̱te̱ ka rem-se da-o̱ hun-ne̱ habe̱ ye̱ ru̱ru̱ no̱ Ma-to̱ m-Re̱re̱m ma-to̱ o-nip mo̱sse̱ u̱n Kiristi ne̱ à.

Korosiya-ne̱ 3:24

No̱m no̱ kaane̱, no̱ nep ha u̱nze Wan-Ko̱yan Ye̱so a top no̱. Remen kaane̱, nom no̱ se̱nge̱-m no̱ u̱r-bon ne̱. Wu̱a 'ye no̱ rem-se u̱r-bon se wu̱ e̱sse̱ hun-ne̱ ye̱ u̱n wu̱ à. Baks no̱ u̱nze Kiristi wu̱ ro̱ Wan-Ko̱yan no̱ wu̱ no̱ m-nome̱ m-gu̱w à.

2 Timoti 4:8

M-mo̱ka Shir e̱ssu̱te̱ me̱ 'yons-u̱r kashi n-to̱n o-shir, remen u̱m se̱ngu̱te̱ m-she̱r be-de u̱n wu̱. Wan-Ko̱yan wan-piish u̱t-ma wu̱ o-nip, wu̱a ya'as me̱ u̱r-'yons u̱n ka ho̱-de u̱n piish u̱t-ma de. Me̱ wu̱ cot Wan-Ko̱yan he m-ya'as u̱n ka 'yons-de u̱n ho̱n-de á. Amba Shir a 'ye hun-ne̱ ka 'yons-de, komo myet u̱n ye̱ ro̱ u̱r-go̱p ye̱ hyenet mu̱u̱n-mo̱ u̱n wu̱ à.

Yahuda-ne̱ 10:34

No̱ hyanag 'wo̱n-de u̱n ye̱ a gage̱ remen dor-o̱ Shir à, no̱ nom o-zak da-de a rumse̱ kap saw-u̱t no̱ à, remen no̱ nepste̱ no̱ ro̱ u̱s-saw ne̱ to̱ jiishe̱ to̱ ka à, to̱ a naase̱ á, har da-o̱ ba m-ta.

Yahuda-ne̱ 9:15

Remen kaane̱, Ye̱so ro̱ wan-hongse̱ u̱n hun-ne̱ u̱n Shir ne̱ be-de u̱n e̱ss u̱t-ma to̱ Shir swo̱re̱ o-nu u̱n hun-ne̱ ne̱ o-pu̱ o̱ à. M-mo̱ka ye̱ ka ye̱ Shir aage̱ à, ye̱a kum cim-yo ba m-ta, yo Shir nomu̱ ye̱ u̱t-ma à. Remen Ye̱so marag wu̱ rurut ye̱ be-de u̱n swo̱ u̱r-ko̱o̱b de u̱n ba'as-to̱ ye̱ no̱me̱ u̱n e̱ss u̱t-ma to̱ u̱r-takan à.

Yakubu 1:11

Remen ho̱-u̱r ro̱ rwu̱u̱n ne̱ n-to̱n, komo reeten-mo̱ u̱n de ro̱ m-bu u̱t-gwo̱ to̱ kek, mo̱k-to̱ u̱n to̱ ro̱ m-zoose̱, komo bon-de u̱n to̱ naase̱. Kaane̱ o̱ ya-o-kwu̱m ro̱ m-ta, da-o̱ ye̱ ro̱ m-se̱nge̱ u̱n kwu̱m-o̱ u̱n ye̱ à.

1 Bitrus 3:9

No̱ to̱p me̱n-u̱t jaas-to̱ u̱n me̱n-u̱t jaas-to̱ ko̱ u̱r-re̱e̱b n-te̱ u̱r-re̱e̱b á, se̱ de̱ no̱ ko̱ne̱ go̱ u̱n ká ne̱t-wu̱ o-kwu̱m, remen kááne̱ o̱ Shir egte̱ no̱ wu̱ ye'et no̱ o-kwu̱m.

1 Bitrus 5:4

Amba da-o̱ Ye̱so ko-Gwo̱mo-wu̱ u̱n ya-u̱t-Gu̱t wo̱o̱ne̱ no̱a go̱ks go̱nd-o̱ u̱n se̱ps-mo̱ u̱n wu̱, o̱a naase̱ á.

U̱t-Hyangan 21:27

Amba rii-yo m-ku̱ko̱p a kum m-co̱w n-me̱ u̱n ka bo̱-o̱ á, ko̱ komo ko̱yan no̱m u̱n rem-se u̱n hu, ko̱ wa-u̱t-bo̱, se̱ de̱ ye̱ a ge̱ne̱ jin-to̱ u̱n ye̱ n-me̱ u̱n ka taku̱rda-o̱ u̱n ho̱o̱g-o̱ u̱n ka Ya o-Rwu̱u̱g o-Ca yo à.