Mattha 7:21 - Tha Fower Gospels ïn Ulstèr-Scots 2021

²¹ It's no iverie yin that says tae me, ‘Loard, Loard,’ that'll git ïntae tha Kïngdom o Heiven, but ït's onlie hïm that daes tha wull o ma Faither wha ïs ïn heiven.

Mattha 7:21 ပူးပေါင်းရင်းမြစ်များ

Mattha 12:50

Fer thaim at daes tha wull o ma Faither ïn heiven ïs ma brither an ma sïstèr an ma mither!”

Mattha 16:17

Jesus saed, “Blisst ir ye, Simon sinn o Jonah, fer thïs wus no revealt tae ye bi onie human bein, but bi ma Faither ïn heiven.

Mattha 18:10

Tak tent that ye dïnnae luk doon on yin o these weans. Fer A tell ye that tha angels that luk eftèr thaim ir alang wi ma Faither ïn heiven, an the'ir readie onie mïnit tae spake up fer thaim.

Mattha 18:19

Agane, A tell ye that ïf twa o ye here on irth agree aboot oniethin ye ax fer, ït'll be daen fer ye bi ma Faither ïn heiven.

Mattha 18:3

An he saed, “A tell ye tha truith, ïf ye dïnnae change yer hale wye o gaun an becum laik wee childèr, ye'll niver git ïntae tha Kïngdom o Heiven.

Mattha 18:35

Thïs ïs hoo ma heivenlie Faither wull dail wi iverie last yin o ye, ïf ye dïnnae forgie yer brither frae yer hairt.”

Mattha 19:24

Ay, A'm tellin ye, ït wud be aisier fer a kemel tae gae throu tha ee o a needle ner fer a monied man tae git ïntae tha Kïngdom o God.”

Mattha 25:10

But while the' wur on thair wye fer tae buy tha oiyle, here dïdnae tha bridegruim turn up! Tha lasses that haed made readie gaed wi hïm ïntae tha waddin pairtie. An tha dure wus shut.

Mattha 25:21

Hïs maistèr saed, ‘Ye hae daen weel, ye guid an faithfu sarvint! Ye hae showed A can trust ye wi wee thïngs, sae A'll pit ye ïn chairge o a hale lock mair. Cum alang wi me, an share yer maistèr's happiness!’

Mattha 26:39

He gan forrit a weethin, then he bood doon wi hïs face tae tha grun an he prayed, “Ma Faither, ïf ït ïs poassible, may thïs cup o sufferin be tuk awa frae me. Yit ït's your wull A'm wantin, an no ma ain.”

Mattha 26:42

He went awa a saicont time an he prayed, “O ma Faither, ïf thair's naethin else fer ït, an ïf A hae tae drïnk thïs cup o sufferin, may your wull be daen.”

Mairk 3:35

Fer thaim at daes tha wull o God, them's ma brither, ma sïstèr, an ma mither.”

Mairk 9:47

An ïf yer ee maks ye dae wrang, pu ït oot, fer ït's bettèr tae gae ïntae tha Kïngdom o God half blin, than tae hae twa een an be throwed ïntae hell,

Luik 11:28

An he saed bak tae hir, “But mair blisst ir tha yins that hear tha wurd o God an heed ït!”

Luik 13:25

Fer yinst tha Heid o tha Hoose haes got up an lockt tha dure, ye'll be stannin ootbye rappin an caain oot, ‘Sïr, wull ye no apen tha dure tae iz?’ An he'll cum bak wi, ‘A'm tellin ye, A know naethin aboot ye, or whar yis cum frae!’

Luik 18:25

Fer ït wud be aisier fer a kemel tae gae throu tha ee o a needle, ner fer a monied man tae git ïntae tha Kïngdom o God.”

Luik 6:46

An why caa me ‘Loard, Loard’, an no dae whut A say?

Jhone 14:7

If ye knowed me weel, ye wud ken ma Faither as weel. Frae noo on, yis dae ken hïm an yis hae saa hïm forbye!”

Jhone 15:23

Hïm that haits me haits ma Faither forbye.

Jhone 3:5

Jesus answert, “A'm tellin ye tha truith, naebodie can get ïntae tha Kïngdom o God ïf he ïsnae boarn o wattèr an tha Spïrit.

Jhone 5:17

But Jesus saed tae thaim, “Ma Faither ïs aye warkin, richt up tae thïs verie day. An A'm warkin tae.”

Jhone 6:40

Fer ït's ma Faither's wull that oniebodie that luks tae tha Sinn an pits hïs trust ïn hïm wull hae ayelastin life, an A wull rise hïm up on tha Last Day.”

Jhone 7:17

If oniebodie haes a mine tae dae tha wull o God, he'll fin oot ïf ma taichin cums frae God, or whuther ït's jist ma ain.