Mattha 5:30 - Tha Fower Gospels ïn Ulstèr-Scots 2021

³⁰ An ïf yer richt han maks ye dae wrang, cut ït aff an clod ït awa. It's faur bettèr fer ye tae loass tha yin pairt o yer bodie ner fer yer hale bodie tae gang ïntae hell.

Mattha 5:30 ပူးပေါင်းရင်းမြစ်များ

Mattha 11:6

An blisst ïs tha yin that daesnae misdoot me.”

Mattha 13:21

But seein as he haes nae ruits, ït onlie houls wi hïm fer a wee while. Whan haird times an trouble cums acause o God's wurd, he jist gies up thair an then.

Mattha 16:23

Jesus turnt an saed tae Petèr, “Git ahint me, Satan! Ye ir a thrip-stane tae me; fer ye gie nae thocht tae tha thïngs o God. Yer heid's fu o tha thïngs o men!”

Mattha 17:27

Weel, we dïnnae want tae gie onie offence, sae gae ye doon tae tha loch an cast oot yer line. Tak tha furst fïsh ye ketch; apen ïts mooth an ye'll fin a coin. Tak that an gie ït tae thaim, an ït'll pye tha tex fer tha baith o iz!”

Mattha 18:8

If yer han or yer fit maks ye tae dae wrang, cut ït aff an cast ït awa. It ïs faur bettèr fer ye tae gae tae heiven wantin a han or a fit, ner tae hae twa hans or twa feet an be throwed ïntae tha iverlastin fire.

Mattha 22:13

Then tha kïng toul hïs sarvints, ‘Bine hïm han an fit, an clod hïm oot ïntae tha dairk, whar thair wull be greetin an scringein o teeth.’

Mattha 25:20

Tha man that haed bin gien tha five baags cum forrit, an brocht wi hïm tha ither five. ‘Maistèr,’ he saed, ‘ye hannit ower five baags tae me. Luk, A hae got five mair fer ye.’

Mattha 26:31

An then Jesus toul thaim, “Thïs verie nicht al o yis wull faa awa on accoont o me, fer as ït's writ: ‘A wull strike tha shepherd, an tha sheep o tha flock wull be scattèrt.’

Mattha 5:22

But A'm tellin ye, oniebodie that's even ang'rie wi hïs brither [wioot onie caas] ïs gaun tae be judged fer ït. Agane, oniebodie that says tae hïs brither, ‘Ye eejit ye!’ - that bodie wull hae tha Heich Cooncil tae answer tae. An oniebodie that says, ‘Ye oul fool!’ wull be rinnin tha risk o hell fire.

Mattha 5:29

If yer richt ee maks ye dae wrang, hoke ït oot an clod ït awa. It's faur bettèr fer ye tae loass tha yin pairt o yer bodie ner fer yer hale bodie tae be throwed ïntae hell.

Mairk 9:43

An ïf yer han maks ye dae wrang, cut ït aff, fer ït wud be bettèr tae gae tae heiven wi tha yin han, than tae hae twa hans an gae tae hell,

Luik 12:5

But A'll warn ye noo wha ye shud fear. Fear hïm that haes tha pooer tae kïll, an then tae throw ïntae hell. Ay, A tell ye, fear hïm!

Luik 17:2

It wud be faur bettèr fer hïm ïf a mïllstane wus hung roon hïs neck an he wus drapt ïntae tha sea, rether ner hïm leadin yin o these puir wee craitèrs asthray.