Mattha 5:29 - Tha Fower Gospels ïn Ulstèr-Scots 2021

²⁹ If yer richt ee maks ye dae wrang, hoke ït oot an clod ït awa. It's faur bettèr fer ye tae loass tha yin pairt o yer bodie ner fer yer hale bodie tae be throwed ïntae hell.

Mattha 5:29 ပူးပေါင်းရင်းမြစ်များ

Mattha 10:28

Dïnnae be feart o thaim that kïll tha bodie but cannae kïll tha sowl. Rether, be afeart o tha Yin that can desthroy baith bodie an sowl ïn hell.

Mattha 11:6

An blisst ïs tha yin that daesnae misdoot me.”

Mattha 16:26

Whut guid wull ït be fer a bodie ïf he gets tha hale warl, an yit loasses hïs ain sowl? Shair thair's naethin a man cud gie tae get bak hïs ain sowl, ïs thair?

Mattha 17:27

Weel, we dïnnae want tae gie onie offence, sae gae ye doon tae tha loch an cast oot yer line. Tak tha furst fïsh ye ketch; apen ïts mooth an ye'll fin a coin. Tak that an gie ït tae thaim, an ït'll pye tha tex fer tha baith o iz!”

Mattha 19:12

Fer some ir eunuchs acause the' wur boarn that wye; ithers wur made that wye bi men; an ithers haes gien up tha chaunce o merriage acause o tha Kïngdom o Heiven. Tha yin that can hannle thïs shud accept ït.”

Mattha 23:15

Wae faa ye, maistèrs o tha Laa an Pharisees, ye hippycrates! Fer ye trevel ower lan an sea tae git a sing'l convert, an whaniver he cums roon tae yer wye o thïnkin, ye mak hïm twice as much a sinn o hell as yis ir yersels.

Mattha 23:33

Ye snakes! Ye shooer o vipers! Hoo wull ye escape bein condemned tae hell?

Mattha 5:22

But A'm tellin ye, oniebodie that's even ang'rie wi hïs brither [wioot onie caas] ïs gaun tae be judged fer ït. Agane, oniebodie that says tae hïs brither, ‘Ye eejit ye!’ - that bodie wull hae tha Heich Cooncil tae answer tae. An oniebodie that says, ‘Ye oul fool!’ wull be rinnin tha risk o hell fire.

Mattha 5:30

An ïf yer richt han maks ye dae wrang, cut ït aff an clod ït awa. It's faur bettèr fer ye tae loass tha yin pairt o yer bodie ner fer yer hale bodie tae gang ïntae hell.

Mairk 8:36

Whut guid ïs ït fer a bodie tae get tha hale warl, an yit tae loass hïs ain sowl?

Luik 12:5

But A'll warn ye noo wha ye shud fear. Fear hïm that haes tha pooer tae kïll, an then tae throw ïntae hell. Ay, A tell ye, fear hïm!