Mattha 5:20 - Tha Fower Gospels ïn Ulstèr-Scots 2021

²⁰ Fer A'm tellin yis thïs: less yer guidness gaes beyont that o tha Pharisees an tha maistèrs o tha Laa, yis'll no git ïntae tha Kïngdom o Heiven, that's fer shair!

Mattha 5:20 ပူးပေါင်းရင်းမြစ်များ

Mattha 16:12

An then the' unnèrstud that he wus no tellin thaim tae gaird agin tha yeast uised ïn breid, but agin tha taichin o tha Pharisees an Sadducees.

Mattha 18:5

An whaiver walcums yin o these weans ïn ma name walcums me.

Mattha 3:10

God's hatchit ïs noo at tha ruit o tha trees, an thaim that dïnnae gie guid fruit wull be fellt, an pïtcht ïntae tha fire.

Mattha 7:21

It's no iverie yin that says tae me, ‘Loard, Loard,’ that'll git ïntae tha Kïngdom o Heiven, but ït's onlie hïm that daes tha wull o ma Faither wha ïs ïn heiven.

Mairk 10:15

A'm tellin ye tha truith, whaiver daesnae tak tha Kïngdom o God ïntae hïs hairt laik a wean daes, wull no get ïn ava.”

Mairk 10:25

It wud be aisier fer a kemel tae gae throu tha ee o a needle, ner fer a monied man tae git ïntae tha Kïngdom o God.”

Luik 11:44

Ay, wae faa ye, [Pharisees, maistèrs o tha Laa an hippycrates], fer yis ir laik graves wi nae mairkins that men waak ower wi'oot knowin.”

Luik 12:1

Mainwhile thoosans o fowk gethert up sae thrang that the' wur thrampin yin anither. Jesus spauk furst o aa tae hïs follaers an toul thaim, “Be on yer gaird agin tha yeast o tha Pharisees, fer the' let on tae be guid an the'r faur frae ït!

Luik 18:17

A'm tellin ye, whaiver daesnae tak tha Kïngdom o God ïntae hïs hairt laik a wean daes, wull no get ïn ava.”