Mattha 5:1 - Tha Fower Gospels ïn Ulstèr-Scots 2021

¹ Noo whaniver he saa tha croods, he gaed up tha muntin an sut doon. Hïs follaers gethert roon hïm,

Mattha 5:1 ပူးပေါင်းရင်းမြစ်များ

Mattha 13:2

Sitch a thrang o fowk gethert roon hïm that he got ïntae a bóat an sut ïn ït, while aa tha fowk stud bye on tha shore.

Mattha 15:29

Jesus quït thaim pairts an cum tae tha loch shore o Galilee. Then he gaed up tha side o tha muntin an sut doon.

Mattha 4:25

Bïg croods follaed hïm frae Galilee, an tha Ten Toons, an Jerusalem, an Judea an tha dïstrict on tha ither side o tha rïver Joardan.

Mattha 5:2

an he stairtit tae taich thaim, sayin,

Mairk 3:13

Then Jesus went ontae a muntin, an he caad tha yins he wantit wi hïm, an the' cum tae hïm.

Mairk 3:20

Sae Jesus went bak ïntae tha hoose whar he wus stappin ower, an thair wus that monie fowk croodin roon aboot thaim, that the' cud get nae peace tae hae oniethin tae ait.

Mairk 4:1

Yinst mair Jesus begun lairnin fowk alang tha loch shore. A wile thrang o fowk haed gethert roon aboot hïm, sae he got ïntae a bóat that wus oot on tha wattèr. He sut doon an toul tha yins on tha shore a hale wheen o thïngs bi parables. Amang thaim wus thïs yin.

Luik 6:12

Bye an bye Jesus went oot tae a muntin fer tae pray tae God, an he kep at ït tha hale nicht lang.

Luik 6:17

An he cum doon frae tha muntin wi thaim, an tuk hïs stance on a flet bït o grun; an a hale crood o hïs follaers, alang wi a wile thrang o fowk oot o Judea, an Jerusalem, an frae alang tha shores o Tyre an Sidon, cum tae hear hïm an tae be cured o thair ailments.

Luik 6:20

An Jesus, wi hïs een on hïs follaers saed, “Blisst ir tha puir, fer yours ïs tha Kïngdom o God.

Luik 9:28

Yin day, aboot echt days eftèr he haed saed these thïngs, he tuk Petèr, Jeames an Jhone up ïntae a muntin tae pray.

Jhone 6:15

Jesus knowed that the' wur ettlin tae mak hïm kïng agin hïs wull, sae he went aff on hïs lane tae tha muntin agane.