Mattha 26:55 - Tha Fower Gospels ïn Ulstèr-Scots 2021

⁵⁵ At that time Jesus saed tae tha crood, “Am A some soart o a reiver, that yis hae cum oot agin me wi swords an stavs fer tae tak me? Shair A sut ïn tha Hoose o God iverie day taichin, an yis niver layed a han on me!

Mattha 26:55 ပူးပေါင်းရင်းမြစ်များ

Mattha 21:23

Jesus went bak ïntae tha Temple gruns, an while he wus taichin, tha heid preeshts an tha Jewish eldèrs cum up tae hïm. “Bi whut thortie ir ye daein these thïngs?” the' axt. “An wha gien ye tha thortie?”

Mattha 26:47

Tha wurds wus harlie oot o hïs mooth, whan up cum Judas, yin o tha Twal. Alang wi hïm wus a bïg thrang airmed wi swords an stavs, sent oot frae tha heid preeshts an tha eldèrs o tha fowk.

Mairk 10:1

Jesus then left Capernaum an went ïntae Judea, an he crosst ower tha rïver Joardan. Thair a crood o fowk gethert up agane, an he taicht thaim as he aye dïd.

Mairk 12:35

An whan Jesus wus taichin ïn tha Hoose o God, he axt tha fowk thïs: “Hoo cum tha maistèrs o tha Laa say that tha Messiah ïs tha sinn o Davit?

Luik 19:47

An eftèr that, iverie day, Jesus stairtit lairnin tha fowk ïn tha Hoose o God. An tha heid preeshts an tha maistèrs o tha Laa, alang wi tha heidyins amang tha fowk, the' wur oot tae get rïd o hïm,

Luik 20:1

On yin o thaim days, as Jesus wus lairnin tha fowk that wur ïn tha Hoose o God, an praichin tha Guid News, tha heid preeshts, tha maistèrs o tha Laa, an tha eldèrs amang tha fowk cum up tae hïm

Luik 4:20

Whan Jesus haed rowlt up tha screed, he gien ït bak tae tha man ïn chairge, an he sut doon. An naebodie ïn tha Meetin Hoose cud tak thair een aff hïm.

Jhone 7:14

Whan tha Faist wus half ower, Jesus gaed up tae tha coortyaird o tha Hoose o God, an he stairtit lairnin tha fowks.

Jhone 7:28

An sae whaniver Jesus wus taichin ïn tha Temple coorts, he caad oot, “Ay, ye thïnk ye ken me, an ye thïnk ye ken whar A cum frae! But A'm no here on ma ain accoont. Hïm that sent me ïs true. Hïm yis dïnnae ken.

Jhone 8:2

At furst licht, he turnt up yinst mair ïn tha Temple coorts, whar aa tha fowk gethert roon hïm, an he sut doon an begun lairnin thaim.

Jhone 8:20

He telt thaim aa thïs whaniver he wus lairnin fowks ïn tha Temple yaird, nearhan tha kïst fer tha offerins. Aa tha same, naebodie layed a fïng'r on hïm, fer hïs time wusnae cum yit.