Mattha 20:19 - Tha Fower Gospels ïn Ulstèr-Scots 2021

¹⁹ an the'll turn hïm ower tae tha Gentiles fer tae be mockt an whuppt an hung up on a cross. But on tha thurd day he'll rise tae life agane!”

Mattha 20:19 ပူးပေါင်းရင်းမြစ်များ

Mattha 12:40

Fer jist as Jonah wus thrie days an thrie nichts ïn tha belly o a bïg fïsh, ïn tha same wye tha Sinn o Man wull be thrie days an thrie nichts ïn tha hairt o tha irth.

Mattha 16:21

Frae that time on Jesus stairtit tae mak ït clear tae hïs follaers that he maun gae tae Jerusalem, an he maun suffer monies a thïng at tha hans o tha eldèrs, tha heid preeshts an tha maistèrs o tha Laa. He toul thaim that he maun be püt tae deith an be ris up tae life on tha thurd day.

Mattha 27:26

Then he lut Barabbas oot tae thaim. But he got Jesus whuppt, an he hannit hïm ower fer tae be crucyfied.

Mattha 27:63

“Sïr,” the' saed, “whaniver that deceiver wus still leevin, we mine hïm sayin, ‘Eftèr thrie days A wull rise agane.’

Mairk 14:65

An some o thaim fell tae spïttin on hïm. The' püt a blinfoul on hïm, an hemmert hïm wi thair fïsts, sayin, “Tell iz wha hut ye!” An even tha gairds tuk tae slappin hïm wi tha flet o thair hans.

Mairk 15:1

At tha scraich o day, tha heid preeshts got thegither wi tha eldèrs an maistèrs o tha Laa, an tha hale Cooncil taakt aboot whut the' wud dae nixt. The' tyed Jesus up an maircht hïm aff, an hannit hïm ower tae Pilate.

Mairk 15:15

Noo, Pilate wus wantin tae plaise tha crood, sae he lut Barabbas oot tae thaim. He haed Jesus gien a guid whalin wi a whup, an then he hannit hïm ower fer tae be crucyfied.

Luik 18:32

Fer he'll be hannit ower tae tha Gentiles fer thaim tae mak fun o hïm, trait hïm ïll an spït on hïm.

Luik 23:11

Herod alang wi hïs sodgers jeert an made lïttle o hïm, riggin hïm oot ïn a braw fancie goon. An the' sent hïm agane tae Pilate.

Luik 24:46

sayin tae thaim, “It's writ doon that tha Christ maun suffer, he maun dee an rise frae tha deid tha thurd day;