Mattha 20:14 - Tha Fower Gospels ïn Ulstèr-Scots 2021

¹⁴ Tak whut's yours an aff ye gang. Fer A want tae gie tha man that wus hired last tha same as A gien you.

Mattha 20:14 ပူးပေါင်းရင်းမြစ်များ

Mattha 20:13

But he saed bak tae yin o thaim, ‘Freen, A'm bein fair eneuch tae ye. Dïd ye no say ye wud wark fer yin siller coin?

Mattha 20:15

Dae A no hae tha richt tae dae whut A laik wi ma ain siller? Or dae ye begrudge me bein guid tae tha ithers?’

Mattha 6:16

Whan ye fast, dïnnae luk doon In tha mooth as tha hippycrates dae, fer the' mak thair faces luk mïserable jist tae let fowk see the'r fastin. A tell ye tha truith, thïs ïs aa tha reward the'r gaun tae get.

Mattha 6:2

Sae, whan ye gie ocht tae tha needie, dïnnae soon tha trumpet, tha wye tha hippycrates daes ïn tha Meetin Hooses an on tha streets, fer tae be weel thocht o. A tell ye tha truith, the' hae got aa tha reward the'ir gaun tae get.

Mattha 6:6

But whan you pray, gang awa ïntae a ruim alane, shut tha dure an pray tae yer Faither ïn saicret. Then yer Faither at sees whut ïs daen ïn saicret, wull reward ye.

Luik 15:31

An tha faither saed, ‘Ma sinn, ye ir aye wi me, an aa that A hae ïs yours.

Luik 16:25

But Abraham saed, ‘Ma sinn, dae ye mine tha time whan ye wur leevin on irth? You haed iveriethin an Lazarus haed naethin, an noo he's at peace an ye ir tormentit.

Jhone 17:2

Fer ye hae gien hïm pooer ower aa tha fowk sae he micht gie ayelastin life tae aa thaim ye hae gien hïm.