Mattha 17:20 - Tha Fower Gospels ïn Ulstèr-Scots 2021

²⁰ He saed, “Acause yer faith ïs sae waik. A tell ye tha truith, ïf yis hae faith as smaa as a mustèrt seed even, yis'll say tae thïs muntin, ‘Shïft frae here tae thair,’ an ït'll shïft! Naethin wull be impoassible fer ye.”

Mattha 17:20 ပူးပေါင်းရင်းမြစ်များ

Mattha 13:31

Jesus toul thaim yit anither parable: “Tha Kïngdom o Heiven ïs laik a wee mustèrt seed, that a man tuk an sowed ïn hïs fiel.

Mattha 14:29

“Cum on then,” saed Jesus. Sae Petèr got doon oot o tha bóat, he waakt on tha wattèr, an he went nixt Jesus.

Mattha 17:17

“You fowk ir faithless an aisie led,” Jesus saed. “Hoo lang wull A be wi ye afore yis believe? Hoo lang dae A hae tae pit up wi ye? Brïng tha wee lad here tae me.”

Mattha 17:19

Then tha follaers cum tae Jesus whaniver he wus on hïs ain, an axt, “Fer why cud we no cast oot tha ïll spïrit?”

Mattha 17:9

An as the' wur cumin doon tha muntin, Jesus warnt thaim, “Dïnnae tell oniebodie whut yis hae saen, til tha Sinn o Man haes bin ris frae tha deid!”

Mattha 21:21

Jesus saed, “A tell ye tha truith, ïf ye hae faith an ye dïnnae doot, no alane can ye dae whut wus daen tae thon fïg tree, but ye cud even say tae thïs muntin, ‘Be shïftit frae whar ye ir, an cast yersel ïntae tha sea!’ an ït'll be daen.

Mattha 8:26

“Hoo cum yis ir sae feart?” saed he. “Hae yis nae faith ava?” Then he stud up an chackt tha wun an tha waves, an ït wus aa peace an quaitness.

Mairk 11:22

Jesus saed bak tae thaim, “Hae faith ïn God.

Mairk 11:23

Fer A tell yis thïs, whaiver wull say tae thïs muntin, ‘Be shïftit frae whar ye ir, an cast yersel ïntae tha sea!’; ïf tha same man haesnae onie doot ïn hïs hairt, but believes ïn hissel that thïs wull raelie cum aboot, then God wull dae ït fer hïm!

Mairk 4:31

It ïs laik a wee bït mustèrt seed plantit ïn tha grun, tha weeest seed o aa.

Mairk 9:23

Jesus saed, “Whut dae ye main bi ‘If A can’? Oniethin ïs poassible whan a bodie believes!”

Luik 1:37

Fer thair's naethin ava God cannae dae.”

Luik 17:6

An tha Loard saed, “If yis haed faith as smaa as a mustèrt seed even, yis cud say tae thïs mulberry tree, ‘Cum oot bi tha ruit an plant yersel ïn tha sea’, an richt awa ït'd dae whut ït's toul.

Luik 18:27

An Jesus saed, “Thaim thïngs men cannae dae, God's mair ner fït tae dae!”

Jhone 11:40

Wi that Jesus saed, “Dïd A no tell ye that ïf ye believed, ye wud see tha glorie o God?”