Mattha 17:18 - Tha Fower Gospels ïn Ulstèr-Scots 2021

¹⁸ Jesus gien tha ïll spïrit a richt barjin, an ït cum oot o tha boy, an he wus bettèr agane frae that verie mïnit.

Mattha 17:18 ပူးပေါင်းရင်းမြစ်များ

Mattha 12:22

Then the' brocht hïm a man bothert wi ïll spïrits. He wus blin an dum, an Jesus made hïm bettèr, sae he cud baith taak an see.

Mattha 15:28

Then Jesus saed bak tae hir, “Wumman, sitch an a faith ye hae! Ye'll get whut ye axt fer.” An hir dochtèr got bettèr that verie oor.

Mattha 17:17

“You fowk ir faithless an aisie led,” Jesus saed. “Hoo lang wull A be wi ye afore yis believe? Hoo lang dae A hae tae pit up wi ye? Brïng tha wee lad here tae me.”

Mattha 17:19

Then tha follaers cum tae Jesus whaniver he wus on hïs ain, an axt, “Fer why cud we no cast oot tha ïll spïrit?”

Mattha 9:22

Jesus turnt roon an saen hir. “Tak hairt, dochtèr dear,” he saed, “Yer faith haes made ye weel.” An tha wumman wus hailt that verie mïnit.

Mairk 1:34

An Jesus cured a quare lock o seeck fowk o thair monie ailments, an he driv oot a brave wheen o demons. But he wudnae let tha demons spake oot, fer the' kent wha he wus.

Mairk 5:8

Fer Jesus haed aareadie saed tae hïm, “Cum oot o tha man, ye ïll spïrit.”

Luik 4:41

Forbye, demons cum oot o monie o thaim, cryin oot, “Ye ir [Christ,] tha Sinn o God!” An he wud chack thaim, oardèrin thaim no tae spake, fer the' kent that he wus tha Christ.

Luik 8:29

Fer ye see, Jesus haed bïd tha ïll spïrit tae lea hïm alane. Betimes ït haed made hïm brek awa frae hïs gairds an tha chains the' haed bun hïm up wi, an ït haed driv hïm oot ïntae tha wiles.

Luik 9:42

Jist as tha wee lad wus cumin, he faad doon tae tha grun fïttin, an Jesus gien tha wïckit spïrit a richt barjin, an hailt tha wee lad an gien hïm bak tae hïs faither.