Mattha 16:26 - Tha Fower Gospels ïn Ulstèr-Scots 2021

²⁶ Whut guid wull ït be fer a bodie ïf he gets tha hale warl, an yit loasses hïs ain sowl? Shair thair's naethin a man cud gie tae get bak hïs ain sowl, ïs thair?

Mattha 16:26 ပူးပေါင်းရင်းမြစ်များ

Mattha 16:25

Fer whaiver wants tae save hïs life wull loass ït, but hïm that loasses hïs life on ma accoont wull fin ït.

Mattha 16:27

Fer tha Sinn o Man ïs gaun tae cum wi hïs angels ïn hïs Faither's glorie, an then he'll reward iverie sing'l bodie accoardin tae whut the' hae daen.

Mattha 5:29

If yer richt ee maks ye dae wrang, hoke ït oot an clod ït awa. It's faur bettèr fer ye tae loass tha yin pairt o yer bodie ner fer yer hale bodie tae be throwed ïntae hell.

Luik 12:20

But God saed, ‘Ye ir a fool, fer ye'll be caad awa thïs verie nicht, an wha'll get aa tha stuff ye hae lef behin?’

Luik 16:25

But Abraham saed, ‘Ma sinn, dae ye mine tha time whan ye wur leevin on irth? You haed iveriethin an Lazarus haed naethin, an noo he's at peace an ye ir tormentit.

Luik 9:25

Fer whut guid ïs ït fer a bodie tae get tha hale warl, an yit desthroy hissel bodie an sowl?