Mattha 16:21 - Tha Fower Gospels ïn Ulstèr-Scots 2021

²¹ Frae that time on Jesus stairtit tae mak ït clear tae hïs follaers that he maun gae tae Jerusalem, an he maun suffer monies a thïng at tha hans o tha eldèrs, tha heid preeshts an tha maistèrs o tha Laa. He toul thaim that he maun be püt tae deith an be ris up tae life on tha thurd day.

Mattha 16:21 ပူးပေါင်းရင်းမြစ်များ

Mattha 12:40

Fer jist as Jonah wus thrie days an thrie nichts ïn tha belly o a bïg fïsh, ïn tha same wye tha Sinn o Man wull be thrie days an thrie nichts ïn tha hairt o tha irth.

Mattha 16:22

Petèr tuk hïm tae tha yin side an begun tae scoul hïm. “Niver, Loard!” he saed. “Thïs wull niver happen tae you!”

Mattha 16:28

A tell ye tha truith, thair's yins stannin here, an ït's fer sartin the'll no dee, afore the' see tha Sinn o Man cumin ïn hïs Kïngdom.”

Mattha 17:12

But A'm tellin ye, Elijah haes cum aareadie, an the' dïdnae ken wha he wus, but the' daen tae hïm aa the' wantit. In tha same wye tha Sinn o Man ïs gaun tae suffer at thair hans.”

Mattha 17:9

An as the' wur cumin doon tha muntin, Jesus warnt thaim, “Dïnnae tell oniebodie whut yis hae saen, til tha Sinn o Man haes bin ris frae tha deid!”

Mattha 20:28

jist tha wye tha Sinn o Man dïdnae cum tae be tendit tae, but fer tae sarve ithers, an tae gie up hïs life as a ransom fer monie fowk.”

Mattha 26:2

“Ye ken tha Passower ïs tha day eftèr themorra, an tha Sinn o Man wull be hannit ower fer tae be nailt tae a cross.”

Mattha 26:47

Tha wurds wus harlie oot o hïs mooth, whan up cum Judas, yin o tha Twal. Alang wi hïm wus a bïg thrang airmed wi swords an stavs, sent oot frae tha heid preeshts an tha eldèrs o tha fowk.

Mattha 27:12

But whaniver he wus accused bi tha heid preeshts an tha eldèrs, he gien nae answer ava.

Mattha 27:63

“Sïr,” the' saed, “whaniver that deceiver wus still leevin, we mine hïm sayin, ‘Eftèr thrie days A wull rise agane.’

Mattha 28:6

He's no here; he's ris, jist as he saed he wud. Cum an see tha place whar he wus layed oot.

Mairk 8:31

Then he begun taichin hïs follaers that tha Sinn o Man wud hae tae suffer monies a thïng. He wud be gien tha coul shoodèr bi tha eldèrs, tha heid preeshts an tha maistèrs o tha Laa; he maun be püt tae deith an eftèr thrie days he wud rise agane frae tha deid.

Mairk 9:12

An he saed bak tae thaim, “Deed ay, Elijah wus tae cum furst tae get aa readie fer tha Messiah. Then ïf that's tha wye o ït, hoo cum ït's writ doon ïn tha Guid Buik, that tha Sinn o Man, maun suffer monie thïngs, an the' wud aa turn agin hïm.

Luik 17:25

But afore that, He'll hae tae suffer sair, an tha fowk roon hïm noo wull turn agin hïm.

Luik 24:46

sayin tae thaim, “It's writ doon that tha Christ maun suffer, he maun dee an rise frae tha deid tha thurd day;

Luik 9:31

fu o heivenlie splendour, an the' taakt aboot tha wye he wud dee ïn Jerusalem.