Mattha 12:32 - Tha Fower Gospels ïn Ulstèr-Scots 2021

³² Oniebodie that spakes a wurd agin tha Sinn o Man wull be forgien, but oniebodie that spakes agin tha Halie Spïrit wull no be forgien, nether ïn thïs age ner ïn tha age tae cum.

Mattha 12:32 ပူးပေါင်းရင်းမြစ်များ

Mattha 11:19

Yit tha Sinn o Man cum aitin an drïnkin, an the' say, ‘Wud ye luk at hïm, he's a glutton, an he's tarrible fand o tha drïnk sae he ïs - tha freen o tex men an wrangdaers!’ But daein whut's richt proves tha wusdom o God's wyes.”

Mattha 12:31

An sae A tell ye, men wull be forgien iverie sïn an blesphemie, but tha blesphemie agin tha Spïrit wull no be forgien.

Mattha 12:8

Fer tha Sinn o Man ïs Loard o tha Sabbath anaa.”

Mattha 13:22

Then tha seed that faad doon amang tha thoarns, that's laik a bodie that hears tha message, but wi hïm chasin eftèr money, an tha bothers o thïs warl, tha message gets chokt an ït aa cums tae naethin.

Mattha 13:39

an tha enemie that sows thaim ïs tha Deil. Tha hairvest ïs tha enn o tha warl, an tha reapers ir tha angels.

Mattha 13:40

Jist tha wye tha weeds ir pu'ed up an brunt ïn tha fire, that's tha wye ït'll be at tha enn o tha warl.

Mattha 13:55

“Is thïs no jist tha cairpentèr's sinn? Hïs mither's caad Mary, ïsn't she? An ir hïs brithers no Jeames, Joseph, Simon an Judas?

Mattha 8:20

An Jesus saed tae hïm, “Foxes hae holes an burds hae nests, but tha Sinn o Man haes naewhar he can caa hame.”

Mairk 10:30

but he'll get a hunnèr times mair ïn tha here an noo o hooses, brithers, sïstèrs, mither, weans, or fairm o lan, as weel as a lock o persecution; an he'll hae life iverlastin ïn tha warl tae cum.

Mairk 3:28

A tell ye thïs, men can be forgien blesphemies an aa ither kines o wrangdaeins. Thair'll be nae forgiein fer hïm that spakes blesphemies agin tha Halie Spïrit, but! Fer that sïn, an tha guilt o ït, bides fer iver an aye.”

Luik 12:10

An whaiver spakes a wurd agin tha Sinn o Man wull be forgien, but whaiver spakes ïll agin tha Halie Spïrit wull no be forgien.

Luik 16:8

Tha maistèr o tha crookit owerseer haed tae gie credit tae hïm fer tha wye he haed o gettin ïn wi fowk. Fer tha fowk o thïs warl ir whiles mair lang-heidit ïn thair dailins than tha yins that hae saen tha licht.

Luik 23:34

[An Jesus saed, “Faither, forgie thaim, fer the' dïnnae ken whut the'r daein.”] An tha sodgers gemmelt fer hïs claes, pairtin thaim amang thairsels.

Luik 7:34

But tha Sinn o Man cum aitin an drïnkin, an ye say, ‘Wud ye luk at hïm, he's a glutton, an he's tarrible fand o tha drïnk, sae he ïs - tha freen o tex men an wrangdaers!’

Jhone 7:12

Thair wus a wile lock o whusperin amang tha thrang aboot hïm. Some saed, “Thon's yin guid man.” “Na!” saed ithers. “He's pittin fowk tha wrang róad.”

Jhone 7:39

He wus taakin here aboot tha Spïrit, that hïs follaers wud be gien latèr on. Up tae noo tha Spïrit wusnae gien, fer Jesus haednae cum ïntae hïs glorie yit.

Jhone 7:52

The' cum bak an saed, “Ir you frae Galilee anaa? Luk ïntae ït an ye'll fin that nae proaphit cums oot o Galilee.”