Mairk 8:6 - Tha Fower Gospels ïn Ulstèr-Scots 2021

⁶ Then Jesus bïd tha crood o fowk sït thairsels doon on tha grun. An he tuk tha seiven loafs, gien thenks tae God fer thaim, brauk thaim up ïn bïts, an gien thaim tae hïs follaers tae han oot tae tha crood. An that's whut the' daen.

Mairk 8:6 ပူးပေါင်းရင်းမြစ်များ

Mattha 26:26

While the' wur aitin, Jesus tuk breid ïn hïs hans, an whaniver he haed gien thenks tae God, he brauk ït, an hannit ït tae hïs follaers, sayin, “Tak thïs an ait ït; thïs ïs ma bodie.”

Mairk 8:20

“An whan A divïd tha seiven loafs amang tha fower thoosan, hoo monie creels fu o leains dïd yis lïft?” “Seiven,” the' answert.

Mairk 8:5

“Whut feck o breid hae ye?” axt Jesus. An the' saed, “Seiven loafs.”

Mairk 8:7

An summodie haed twarthie wee fïsh. Sae he blisst thaim tae, an toul hïs follaers tae gie thaim oot as weel.

Luik 12:37

Whaniver tha maistèr cums, blisst ir tha yins he fins watchin an waitin. A tell yis thïs, he'll get hissel readie, sït thaim doon, an he hissel wull sarve thaim, an lea tha mait oot afore thaim.

Luik 24:30

An ït cum aboot, as he sut doon tae ait wi thaim, that he tuk breid, blisst ït an brauk ït, an gien ït tae thaim.

Jhone 2:5

Hïs mither saed til tha sarvints, “whutiver he bïds yis dae, dae ït.”

Jhone 6:23

But then some bóats frae Tiberias landit near tae whar tha fowk et tha breid eftèr tha Loard haed gien thenks.