Mairk 7:24 - Tha Fower Gospels ïn Ulstèr-Scots 2021

²⁴ Eftèr that Jesus left Galilee, an went awa tae tha dïstrict roon Tyre [an Sidon]. He stapt ïn a hoose, an dïdnae want oniebodie tae ken ït; but fer hïm thair wus nae hidin.

Mairk 7:24 ပူးပေါင်းရင်းမြစ်များ

Mattha 11:21

“Sorra tae Chorazim, an sorra tae Bethsaida, fer ïf tha fowk o Tyre an Sidon haed saen tha warkin o God's pooer as yous hae saen ït, the' wud hae repentit lang syne ïn seckclaith an eshes.

Mattha 9:28

Whaniver he went ïntae hïs hoose, tha blin men cum ïn tae, an he axt thaim, “Dae yis believe A hae tha pooer fer tae dae whut ye'r wantin?” “Ay, Loard,” the' saed, “we dae.”

Mairk 2:1

Eftèr a wheen o days, Jesus cum bak tae Capernaum. An wurd went roon that he wus bak hame.

Mairk 7:23

Aa these wïckit thïngs cum frae tha inside; ït's thaim that sullies a bodie.”

Mairk 7:25

Fer richt awa, a wumman that haed a wee lass wi an ïll spïrit cum tae hïm as shune as she heerd he wus thair. She faad doon on hir knees afore Jesus, an plaidit wi hïm tae drive tha ïll spïrit oot frae hir dochtèr. Tha wumman wus a Greek, wi nae Jewish breedin, frae tha region o Syrophoenicia.

Mairk 7:31

Eftèr that Jesus left tha dïstrict o Tyre an he went bak doon tae tha Loch o Galilee, passin throu Sidon an tha Ten Toons on hïs wye.