Mairk 6:41 - Tha Fower Gospels ïn Ulstèr-Scots 2021

⁴¹ An takkin tha five bannocks an tha twa fïsh, he lukt up tae heiven, he blisst an brauk tha bannocks, an he kep giein thaim tae hïs follaers tae han oot tae tha fowk. An he divïd tha twa fïsh amang thaim aa as weel.

Mairk 6:41 ပူးပေါင်းရင်းမြစ်များ

Mattha 14:19

He oardèrt tha fowk tae sït doon on tha gress. An takkin tha five bannocks an tha twa fïsh an lukkin up tae heiven, he blisst ït an brauk tha bannocks. Then he gien thaim tae hïs follaers, an tha follaers gien thaim tae tha fowk.

Mattha 15:36

Then he tuk tha seiven loafs an tha fïsh, an whaniver he haed gien thenks, he brauk thaim ïntae bïts an gien thaim tae hïs follaers. Then they gien thaim tae tha crood.

Mattha 26:26

While the' wur aitin, Jesus tuk breid ïn hïs hans, an whaniver he haed gien thenks tae God, he brauk ït, an hannit ït tae hïs follaers, sayin, “Tak thïs an ait ït; thïs ïs ma bodie.”

Mairk 14:22

An as the' wur aitin, Jesus tuk breid ïn hïs hans an gien thenks tae God. Then he brauk ït, an he hannit ït tae hïs follaers sayin, “Tak ït; thïs ïs ma bodie.”

Mairk 6:40

An the' sut doon ïn groups o hunnèrts an fïfties.

Mairk 6:42

The' aa et thair fïll,

Mairk 7:34

He lukt up tae heiven, an giein a bïg seich he saed tae tha man, “Ephphatha!” (tha Aramaic mainin, “Be apent!”).

Mairk 8:19

Whaniver A divïd tha five loafs amang tha five thoosan, hoo monie baskets o leains dïd yis lïft?” “Twal,” the' saed.

Luik 24:30

An ït cum aboot, as he sut doon tae ait wi thaim, that he tuk breid, blisst ït an brauk ït, an gien ït tae thaim.

Luik 9:16

Then he tuk tha five bannocks an tha twa fïsh, an lukkin up tae heiven, he blisst ït an brauk ït, an he kep giein ït tae hïs follaers tae han oot tae aa tha fowk.

Jhone 11:41

Sae the' shïftit tha stane, an Jesus lukt up tae heiven abain an he saed, “Faither, A gie ye thenks that ye hae heerd me.

Jhone 17:1

Eftèr these wurds, Jesus lukt up abain tae heiven. “Faither”, he saed, “tha time ïs cum. Gie glorie tae yer Sinn, sae as yer Sinn can gie glorie bak tae yersel.

Jhone 6:11

An then Jesus tuk tha bannocks, gien thenks, an the' wur hannit roon bi hïs follaers tae thaim that wus sut on tha grun, as much as the' wantit. He daen tha same wi tha fïsh.

Jhone 6:23

But then some bóats frae Tiberias landit near tae whar tha fowk et tha breid eftèr tha Loard haed gien thenks.