Mairk 6:34 - Tha Fower Gospels ïn Ulstèr-Scots 2021

³⁴ An whan Jesus cum tae lan, he fun a hale thrang o fowk fornent hïm; an hïs hairt went oot tae thaim, fer the' wur laik sheep wannèrin wioot a herd tae luk eftèr thaim. An he begun tae lairn thaim monie thïngs.

Mairk 6:34 ပူးပေါင်းရင်းမြစ်များ

Mattha 14:14

An whan Jesus cum tae lan, he fun a quare thrang o fowk fornent hïm, an hïs hairt went oot tae thaim an he cured thair seeck fowk.

Mattha 15:32

Jesus caad hïs follaers tae hïm an saed, “Ma hairt gaes oot tae these fowk; the' hae bin here wi me thïs thrie days an the' hae naethin lef tae ait. A dïnnae want tae senn thaim awa hame, or the'll drap wi hung'r alang tha róad.”

Mattha 9:36

Whaniver he saen tha croods, hïs hairt went oot tae thaim, acause the' wur aa laik sheep wi nae shepherd: troublet, on thair lane, wi nae róad tae turn.

Mairk 6:33

Noo monie fowk saa thaim as the' wur gaun aff, an kent wha the' wur, sae the' run on aheid on thair fit frae oot o aa tha toons, an the' got thair afore thaim.

Mairk 6:35

An whan ït wus wearin late, hïs follaers cum an saed tae hïm, “It's dailygan, an thïs ïs a richt oot o tha wye place.

Mairk 8:1

Roon aboot thon time, whaniver a bïg thrang o fowk haed gethert thegither an the' haed naethin tae ait, Jesus caad hïs follaers tae hïm, an he toul thaim,

Mairk 8:2

“Ma hairt gaes oot tae these fowk, acause the' hae bin here wi me thïs thrie days an the' hae naethin lef tae ait;

Luik 9:11

But tha croods kent thïs an follaed hïm. An he bïd thaim walcum an taakt tae thaim o tha Kïngdom o God, an brocht hailin tae thaim that haed need o ït.