Mairk 4:7 - Tha Fower Gospels ïn Ulstèr-Scots 2021

⁷ Ither seed faad doon amang thoarns, an tha thoarns sprung up, tuk ower an chokt ït. Sae thair wus nae yiel.

Mairk 4:7 ပူးပေါင်းရင်းမြစ်များ

Mattha 13:22

Then tha seed that faad doon amang tha thoarns, that's laik a bodie that hears tha message, but wi hïm chasin eftèr money, an tha bothers o thïs warl, tha message gets chokt an ït aa cums tae naethin.

Mattha 13:7

Ither seed faad doon amang thoarns an breers, that sprung up, tuk ower an chokt ït.

Mattha 13:8

Yit ither seed faad on guid grun, whar ït brocht a hairst o a hunnèr, sïxtie or thurtie times whut wus sowed.

Mairk 4:6

but as shune as ït brairdit an tha sin cum oot, tha plants wus scorcht, an the' deed aff acause the' haed nae ruits.

Mairk 4:8

But a lock drapt on tae guid grun. It daen weel an gien a guid hairst: thurtie, sïxtie or a hunnèr times mair.”

Luik 12:15

An Jesus saed tae thaim, “Tak heed that yis ir no aye wantin thïngs that ither fowk hae, fer a man's life ïs no jist a mettèr o whut he gethers aboot hïm.”

Luik 21:34

Tak care yis ir no bluthert, or yer heids turnt wi wile leevin. An dïnnae fash yersels aboot tha worries o thïs life. Dïnnae alloo that day tae cum doon on yis o a suddent, laik a thrap wud dae.

Luik 8:14

An tha seed that fell amang tha thoarns, that's laik fowk that hears tha wurd o God, an the' cairrie on fer a weethin; but ïn tha enn, aa tha warl's bothers, tha catter an tha guid times staps thaim growein up strecht an sonsie.

Luik 8:7

An some faad doon amang thoarns an breers, an tha thoarns sprung up, tuk ower, an chokt ït.