Mairk 4:1 - Tha Fower Gospels ïn Ulstèr-Scots 2021

^1-2 Yinst mair Jesus begun lairnin fowk alang tha loch shore. A wile thrang o fowk haed gethert roon aboot hïm, sae he got ïntae a bóat that wus oot on tha wattèr. He sut doon an toul tha yins on tha shore a hale wheen o thïngs bi parables. Amang thaim wus thïs yin.

Mairk 4:1 ပူးပေါင်းရင်းမြစ်များ

Mairk 2:13

Yinst mair Jesus gaed doon tae tha loch shore. A bïg crood gethert roon hïm, an he stairtit taichin tha fowk.

Mairk 3:7

But Jesus tuk hissel aff wi hïs follaers tae tha loch, alang wi a wile thrang o fowk that cum frae Galilee, Judea, Jerusalem an Idumea, frae tha ither side o tha Joardan, an even frae Tyre an Sidon, fer wurd o hïs mïracles haed trevelt faur an wide.

Mairk 3:9

Tha crood wus that bïg, jundyin roon hïm on tha shore, that he toul hïs follaers tae mak a wee bóat readie fer hïm.

Mairk 4:36

Whaniver tha thrang wus sent hame, Jesus wus aareadie ïn tha bóat, sae the' stairtit oot alang wi some ither wee bóats fer tha faur side.

Mairk 5:2

An whaniver Jesus wus gettin oot o tha bóat, [richt awa] a man wi an ïll spïrit cum oot frae tha graveyaird fer tae meet hïm.

Mairk 5:21

Noo whaniver Jesus went bak ïn tha bóat tae tha ither side o tha loch, a hale thrang o fowk gethert roon hïm on tha shore.