Mairk 2:1 - Tha Fower Gospels ïn Ulstèr-Scots 2021

¹ Eftèr a wheen o days, Jesus cum bak tae Capernaum. An wurd went roon that he wus bak hame.

Mairk 2:1 ပူးပေါင်းရင်းမြစ်များ

Mattha 4:13

An eftèr leain Nazareth, he gaed tae Capernaum an he stapt thair. Capernaum wus bi tha Loch ïn tha dïstrict o Zebulun an Naphtali --

Mattha 9:1

Jesus climmed ïntae a bóat, sailed ower tha ither side an cum tae hïs ain toon.

Mairk 1:45

But insteed, tha man went an toul al roon whut Jesus haed daen fer hïm. Thïs meent that Jesus cudnae be saen gaun ïntae a toon; he haed tae stay oot ïn tha kintrie. But fowk still cum frae aa roon tae see hïm.

Mairk 2:2

An monie fowk gethert thegither, an thair wus sitch a thrang, thair wus nae mair ruim, even ootbye tha dure. An Jesus wus praichin tha wurd tae thaim.

Mairk 3:20

Sae Jesus went bak ïntae tha hoose whar he wus stappin ower, an thair wus that monie fowk croodin roon aboot thaim, that the' cud get nae peace tae hae oniethin tae ait.

Mairk 7:17

Eftèr he left tha crood o fowk an gan ïntae tha hoose, hïs follaers axt hïm aboot thïs parable.

Mairk 7:24

Eftèr that Jesus left Galilee, an went awa tae tha dïstrict roon Tyre [an Sidon]. He stapt ïn a hoose, an dïdnae want oniebodie tae ken ït; but fer hïm thair wus nae hidin.

Mairk 9:28

A while latèr, whaniver Jesus wus ïn tha hoose on hïs ain wi hïs follaers, the' axt hïm, “Whut fer cud we no cast tha ïll spïrit oot?”

Luik 4:23

He telt thaim thïs, “Nae doot Ye wull quote tha oul saw at me - ‘Doctèr, hail yersel!’ An ye'll say, ‘Whut we heerd ye daen ïn Capernaum, dae ït here ïn yer ain hametoon as weel.’ ”

Luik 5:18

An luk see! - a wheen o men wus brïngin a paralysed man on a bed; an the' wur lukkin fer a wye fer tae brïng hïm ïntae tha hoose tae lay hïm doon afore Jesus.

Jhone 4:47

Whaniver tha man heerd that Jesus wus bak ïn Galilee frae Judea, he cum plaidin wi Jesus tae cum doon an mak hïs sinn bettèr. Hïs sinn wus gye faur throu.