Mairk 16:10 - Tha Fower Gospels ïn Ulstèr-Scots 2021

¹⁰ An she went an toul thaim that haed bin wi hïm that wur sair-hairtit an greetin.

Mairk 16:10 ပူးပေါင်းရင်းမြစ်များ

Jhone 20:18

Mary Magdalene went tae fin tha follaers an tell thaim tha guid news, “A hae saa tha Loard!” An she toul thaim whut he haed saed til hir.

Jhone 16:6

Na, but becas A hae toul yis these thïngs, yer hairts ïs fu o sorra.

Luik 24:17

An he saed tae thaim, “Whut wur ye taakin aboot thair, alang tha róad?” The' cum tae a stap, lukkin doon ïn tha mooth.

Mairk 14:72

At that verie minnit, tha roostèr craad tha saicont time. An richt awa Petèr haed mine o tha wurds Jesus spauk tae hïm: “Afore tha roostèr craas twice, ye wull deny me thrie times.” At tha verie thocht o ït, he brauk doon an wep sair.

Mattha 9:15

Jesus saed bak tae thaim, “Dae ye thïnk tha waddin guests wud murn while tha bridegruim ïs still wi thaim? Thair'll cum a day but, whaniver tha bridegruim wull be tuk awa frae thaim; an ït's then the'll be fastin.

Mattha 24:30

An then, tha sign o tha Sinn o Man wull appear ïn tha heivens abain, an aa tha nations o tha irth wull murn. The'll see tha Sinn o Man cumin on tha cloods o heiven, wi pooer an muckle glorie.

Mattha 19:22

Whaniver tha young man heerd thïs, he wus doon ïn tha mooth an went awa, fer he wus quare an weel-aff.