Mairk 10:21 - Tha Fower Gospels ïn Ulstèr-Scots 2021

²¹ Jesus lukt at tha man wi love, an he toul hïm, “Yin thïng ye hinnae daen. Gae awa an sell aa ye hae, an gie tha siller tae tha puir. An ye'll hae walth ïn heiven. [An then tak up yer cross] an cum eftèr me.”

Mairk 10:21 ပူးပေါင်းရင်းမြစ်များ

Luik 10:42

but onlie yin thïng raelie mettèrs. Mary haes waaled whut's best, an ït'll no be taen awa frae hir.”

Luik 18:22

Whan Jesus heerd thïs, he saed tae tha man, “Thair's jist yin thïng ye still hae tae dae. Sell aa ye hae an gie tae thaim that haesnae much, an ye'll hae walth ïn heiven. An then cum bak an follae me!”

Mattha 16:24

Then Jesus saed tae hïs follaers, “If oniebodie wants tae follae eftèr me, he maun ferget aboot hissel aathegither, tak up hïs cross an stïck clase tae me.

Luik 12:33

Sell aff whut ye hae an gie tha siller tae tha puir, an thïs wull coont as treysure stored up ïn strang safe moneybaags ïn heiven, whar ït'll nether be stole bi thiefs ner et wi moths.

Mairk 8:34

Then he caad tha crood thegither alang wi hïs follaers an saed, “If oniebodie's lukkin tae follae me, he maun ferget aboot hissel aathegither, tak up hïs cross an stïck clase tae me.

Luik 19:41

Jesus wus cumin near tae Jerusalem noo, an whan he saa tha cïtie, he begun tae greet, an he saed,

Luik 9:23

An he saed tae thaim aa, “If oniebodie wants tae follae eftèr me, he maun ferget aboot hissel aathegither, tak up hïs cross iverie day, an stïck clase tae me.

Mattha 19:21

Jesus saed bak tae hïm, “If ye hae a mine tae be perfait, awa an sell aa ye hae got, an gie ït awa tae tha puir, an ye'll hae walth ïn heiven. Then cum bak, an follae me.”

Jhone 16:33

A telt ye aa thon sae that ïn me yis can hae peace. In thïs warl ye wull hae nae enn o bother. But dïnnae be doon-hairtit got. Cheer up! A hae tha warl owercum.”

Jhone 12:26

Oniebodie that wants me as thair maistèr maun follae me; an whar A'm at, ye'll fin ma sarvint thonner forbye. Ma Faither wull gie honour tae hïm that sarves me.

Luik 16:9

An A'm tellin ye, yis shud uise yer warlie siller tae mak freens ïn tha warl; an sae, whan money's nae mair use tae ye, yis wull be gien a walcum ïntae yer iverlastin hame.

Mairk 10:22

Whaniver he heerd thïs, he wus vext, an he went awa doon ïn tha mooth, fer he wus quare an weel-aff.