Mairk 10:1 - Tha Fower Gospels ïn Ulstèr-Scots 2021

¹ Jesus then left Capernaum an went ïntae Judea, an he crosst ower tha rïver Joardan. Thair a crood o fowk gethert up agane, an he taicht thaim as he aye dïd.

Mairk 10:1 ပူးပေါင်းရင်းမြစ်များ

Mattha 26:55

At that time Jesus saed tae tha crood, “Am A some soart o a reiver, that yis hae cum oot agin me wi swords an stavs fer tae tak me? Shair A sut ïn tha Hoose o God iverie day taichin, an yis niver layed a han on me!

Mattha 4:23

Jesus trevelt aa roon Galilee, taichin ïn thair Meetin Hooses, an praichin tha Guid Wittins o tha Kïngdom, an curin iverie disaise an ailment amang tha fowk.

Mairk 1:21

An the' gaed ïntae Capernaum. An whan tha Sabbath day cum roon, he went ïntae tha Meetin Hoose, an begun tae taich.

Mairk 10:2

An some Pharisees, tae pit hïm tae tha test, axt hïm, “Is ït allooed fer a husban tae pit awa hïs wife?”

Mairk 12:35

An whan Jesus wus taichin ïn tha Hoose o God, he axt tha fowk thïs: “Hoo cum tha maistèrs o tha Laa say that tha Messiah ïs tha sinn o Davit?

Mairk 14:49

Shair A wus wi yis iverie day ïn tha Hoose o God, taichin ye, yit ye niver layed a han on me. But whut's writ ïn tha halie Scrïptures maun cum aboot.”

Mairk 2:13

Yinst mair Jesus gaed doon tae tha loch shore. A bïg crood gethert roon hïm, an he stairtit taichin tha fowk.

Mairk 6:2

An whaniver tha Sabbath day cum roon, he stairtit taichin tha fowk thair ïn tha Meetin Hoose, an monie that heerd hïm wur stoondit. “Whar dïd he get aa thïs frae?” the' axt. “Whut's aa thïs wusdom that he's bin gien, that sitch mïracles ir wrocht bi hïs hans!

Mairk 6:34

An whan Jesus cum tae lan, he fun a hale thrang o fowk fornent hïm; an hïs hairt went oot tae thaim, fer the' wur laik sheep wannèrin wioot a herd tae luk eftèr thaim. An he begun tae lairn thaim monie thïngs.

Mairk 6:6

An he wus tuk bak wi thair want o faith. Then Jesus went roon aa tha vïllages lairnin tha fowk.

Jhone 10:40

Eftèr that, Jesus gaed bak ower tha Joardan tae tha place whar Jhone baptised at tha furst. He stapt thonner a wee while,

Jhone 11:7

Then eftèr thïs he toul hïs follaers, “Cum on an we'll gang bak tae Judea.”

Jhone 18:20

“A hae spauk oot ïn tha apen tae yin an aa,” Jesus reponed. “A aye taicht ïn Meetin Hooses or ïn tha Hoose o God, whar aa tha Jews cum thegither. A saed naethin behin shut dures.