Luik 9:48 - Tha Fower Gospels ïn Ulstèr-Scots 2021

⁴⁸ An he saed tae thaim, “Whaiver maks thïs chile walcum ïn ma name, walcums me, an oniebodie that walcums me, walcums hïm that sent me. Tha yin regairdit o nae accoont amang ye, that's tha yin that'll hae tha maist honour.”

Luik 9:48 ပူးပေါင်းရင်းမြစ်များ

Mattha 18:10

Tak tent that ye dïnnae luk doon on yin o these weans. Fer A tell ye that tha angels that luk eftèr thaim ir alang wi ma Faither ïn heiven, an the'ir readie onie mïnit tae spake up fer thaim.

Mattha 18:14

In tha same wye ma Faither ïn heiven ïsnae wullin that onie o these weans shud be loast.

Mattha 19:28

Jesus saed tae thaim, “A tell ye tha truith, whaniver tha new warl cums aboot, an tha Sinn o Man sïts on hïs throne o glorie, yous that hae follaed me wull sït doon on twal thrones as weel, judgin tha twal clans o Israel.

Mattha 25:40

Tha Kïng wull answer, ‘A tell ye tha truith, whutiver ye daen fer yin o tha laist impoartin o these brithers o mine, ye daen ït fer me.’

Mattha 25:45

An he'll repone, ‘A tell ye tha truith, whutiver yis dïdnae dae fer yin o tha laist impoartin o these brithers o mine, yis dïdnae dae ït fer me.’

Mairk 9:37

“Whaiver walcums yin o these weans ïn ma name, bïds me walcum, an whaiver bïds me walcum, walcums no me alane, but hïm that sent me as weel.”

Luik 10:16

Then he saed tae hïs follaers, “Whaiver lïstens tae yous ïs lïstenin tae me, an whaiver turns hïs bak on you, turns hïs bak on me; an whaiver turns hïs bak on me, turns hïs bak on tha Yin that sent me.”

Luik 14:11

Whaiver sets hissel up as summodie, tha Loard'll brïng hïm doon. Whaiver taks tha hummle place, wull be gien tha place o honour.”

Luik 22:26

But wi yous, ït's no tae be laik that. Amang yous, tha maist heich shud be laik tha maist hummle, an a heidyin shud be laik a sarvint.

Luik 7:28

A tell ye, thair wus niver a bettèr man boarn o a wumman ner Jhone, an yit tha yin that ïs laist ïn tha Kïngdom o God ïs a bettèr man ner hïm.”

Jhone 13:20

Thair's no twa wyes aboot ït. Whaiver walcums oniebodie A senn walcums me, an whaiver walcums me, walcums tha Yin that sent me.”

Jhone 14:21

Whaiver taks ma commauns tae hairt an keeps thaim, thon's tha yins that love me. Thaim that love me wull be loved bi ma Faither, an forbye A wull love thaim an show masel tae thaim.”