Luik 9:19 - Tha Fower Gospels ïn Ulstèr-Scots 2021

¹⁹ The' saed, “A wheen o fowk say Jhone tha Baptiser, some wud say Elijah, an ithers agane say that yin o tha proaphits frae lang syne haes cum bak tae life.”

Luik 9:19 ပူးပေါင်းရင်းမြစ်များ

Mattha 14:2

an he saed tae hïs sarvin men, “Thïs ïs Jhone tha Baptiser; he haes ris frae tha deid! That's tha raison he haes these mïraclis pooers.”

Mattha 3:1

In thaim days Jhone tha Baptiser cum praichin ïn tha wiles o Judea

Mairk 6:14

Kïng Herod Antipas got wun o thïs, fer tha hale kintrie wus taakin aboot Jesus. Some fowk wur sayin that Jhone tha Baptiser wus ris frae tha deid, an that wus hoo he cud dae sitch michtie warks.

Mairk 6:15

Ithers thocht ït wus tha proaphit Elijah. An yit ithers thocht he maun be a proaphit laik yin o tha proaphits o tha oulden days.

Luik 9:18

Yin day Jesus wus prayin alane, tha mair hïs follaers wus nearhan. An he axt thaim, “Wha dae tha croods say that A am?”

Luik 9:20

“An whut aboot yersels?” he axt. “Wha dae yous say that A am?” Petèr spauk up, “You ir tha Christ o God.”

Jhone 1:21

Sae the' axt hïm, “Wha ir ye then? Wud ye be Elijah?” “Na, A'm no,” qo he. “Ir ye tha Proaphit we ir waitin on?” “Na,” saed he.

Jhone 1:25

“Gin ye'r no tha Christ, ner Elijah, ner tha Proaphit, hoo cum ye'r baptisin fowk then?”

Jhone 7:40

Whaniver the' heerd hïs wurds, some o tha fowk saed, “Thïs man fer shair maun be tha Proaphit!”

Jhone 9:17

Sae the' turnt agane an axt tha blin man, “An whut dae you say aboot hïm? Fer ït wus your een he apent.” Tha man reponed, “He ïs a proaphit.”