Luik 8:35 - Tha Fower Gospels ïn Ulstèr-Scots 2021

³⁵ An tha fowk that heerd cum oot tae see fer thairsels. An whan the' cum tae Jesus, the' fun tha man tha demons haed cum oot o. Legion wus sïttin thair quait at tha feet o Jesus. He haed hïs claes on, an wus ïn hïs richt mine. An the' wur wile scarred.

Luik 8:35 ပူးပေါင်းရင်းမြစ်များ

Mattha 4:24

Wurd aboot hïm spreed aa ower Syria, an the' brocht tae hïm aa tha seeck fowk wi aa kines o disaises: thaim that wus tormentit, or bothert wi ïll spïrits, or tuk fïts, or fowk that wus paralysed, an he made thaim bettèr.

Mairk 5:15

Whaniver the' cum tae Jesus, the' saen tha man that haed bin taen ower wi tha legion o ïll spïrits sïttin thair quait, wi hïs claes on hïm, an richt ïn tha heid. An the' wur hairt-scarred.

Luik 10:39

She haed a sïstèr, Mary, that settelt hirsel doon at hïs feet an hung on iverie wurd he haed tae say.

Luik 15:17

Whan he cum tae hïs senses he thocht tae hissel, ‘Ma faither's sarvints bak hame haes eneuch tae ait an tae spare, an here A am, deein wi hung'r!

Luik 2:46

Sae ïn tha enn ït wus thrie days afore the' fun hïm. An thair he wus, sïttin ïn tha coortyaird o tha Hoose o God, takkin ïn whut tha taichers wur sayin, an quïzzin thaim.

Luik 8:27

An whaniver he wus gettin oot o tha bóat, thair wus thïs man cum up tae hïm frae tha toon. He wus fu o demons, an haed bin rinnin roon fer a lang time wi naethin on hïm, an leevin ïn tha graveyaird rether than a hoose.

Luik 8:34

An whaniver tha yins that wur lukkin eftèr tha pïgs saen whut haed happent, the' run aff an toul iveriebodie ïn tha toon an kintrie roon aboot.