Luik 8:14 - Tha Fower Gospels ïn Ulstèr-Scots 2021

¹⁴ An tha seed that fell amang tha thoarns, that's laik fowk that hears tha wurd o God, an the' cairrie on fer a weethin; but ïn tha enn, aa tha warl's bothers, tha catter an tha guid times staps thaim growein up strecht an sonsie.

Luik 8:14 ပူးပေါင်းရင်းမြစ်များ

Mattha 13:22

Then tha seed that faad doon amang tha thoarns, that's laik a bodie that hears tha message, but wi hïm chasin eftèr money, an tha bothers o thïs warl, tha message gets chokt an ït aa cums tae naethin.

Mairk 4:19

The'r aye worryin, rinnin eftèr money an hung'rin fer thïngs the' hinnae got. An sae thair's nae crap, fer tha wurd haesnae a chaunce tae growe.

Luik 16:13

A slave cannae sarve twa maistèrs; fer ether he'll hait tha yin an love tha ither, or he'll stïck bye tha yin an thïnk naethin o tha ither. Ye cannae sarve baith God an Gowld.”

Luik 21:34

Tak care yis ir no bluthert, or yer heids turnt wi wile leevin. An dïnnae fash yersels aboot tha worries o thïs life. Dïnnae alloo that day tae cum doon on yis o a suddent, laik a thrap wud dae.

Luik 8:13

Tha seed on tha roak stans fer tha yins that gie ear til God's wurd an tak ït ïn wi a gled hairt, but ït haes nae ruit an daesnae houl wi thaim. Fer whan haird times cum alang, the' gie up an the' hae nae mair mine o ït.

Luik 8:15

But tha seed that faad on guid grun, that's laik fowk that ir warthie an guid, an gie ear til tha wurd o God; the' houl ït ïn thair hairts, til ïn tha enn the' reap a rich hairst.

Luik 8:7

An some faad doon amang thoarns an breers, an tha thoarns sprung up, tuk ower, an chokt ït.

Jhone 15:6

If a bodie daesnae bide ïn me, he ïs laik a brench that ïs redd oot an wuthers up an dees; sitch brenches ïs gethert up an coupt ïntae tha fire an brunt.