Luik 7:6 - Tha Fower Gospels ïn Ulstèr-Scots 2021

⁶ Sae Jesus gan awa wi thaim. Whan he wus nearhan tha hoose, tha centurion sent freens oot fer tae tell hïm, “Loard, dïnnae bother cumin onie neardèr, fer A'm no fït tae hae ye cum unnèr ma ruif.

Luik 7:6 ပူးပေါင်းရင်းမြစ်များ

Mattha 20:28

jist tha wye tha Sinn o Man dïdnae cum tae be tendit tae, but fer tae sarve ithers, an tae gie up hïs life as a ransom fer monie fowk.”

Mattha 3:11

A'm baptisin yis wi wattèr fer tae show yis hae repentit. But thair's yin cumin eftèr me that ïs michtier ner me. A'm no fït tae cairrie hïs buits. He wull baptise ye wi tha Halie Spïrit an wi fire.

Mairk 5:24

An Jesus went alang wi hïm. A bïg thrang o fowk follaed hïm, croodin ïn on hïm.

Luik 5:8

Whaniver Simon Petèr saa thïs, he faad on hïs knees afore Jesus an saed, “G'awa frae me, Loard, fer A'm a sïnfu man.”

Luik 7:4

Whan the' cum tae Jesus, the' kep beggin hïm, sayin, “Ye shud dae sumthin fer thïs man, fer he wus tarrible fand o us Jews, an he even bigged a Meetin Hoose fer iz. He desarves ye tae dae thïs fer hïm.”

Luik 7:7

It's no fer tha laiks o me tae cum tae you. But jist say tha wurd, an ma sarvin man wull be weel agane.

Luik 8:49

Tha wurds wusnae richt aff Jesus' tung, whan thïs man cum frae tha hame o tha heidyin o tha Meetin Hoose, an saed tae hïm, “Jairus, yer dochtèr ïs deid; dïnnae bother tha maistèr onie mair.”