Luik 7:39 - Tha Fower Gospels ïn Ulstèr-Scots 2021

³⁹ Noo whaniver tha Pharisee that haed axt hïm tae cum saen thïs, he thocht tae hissel, “If thïs man wus a proaphit, he shud hae kent whut soart o a wumman thïs ïs that toucht hïm. He shud a knowed she's a baad wumman.”

Luik 7:39 ပူးပေါင်းရင်းမြစ်များ

Mattha 20:16

Sae tha last wull be foremaist,” saed Jesus, “an tha foremaist wull be last. [Monie fowk ïs caad, but few sing'lt oot.]”

Mattha 21:11

An tha croods saed bak tae thaim, “Thïs ïs Jesus, tha proaphit frae Nazareth ïn Galilee.”

Mairk 7:21

Fer ït's frae wi'in yer hairt aa tha wïckit thochts cum: lustin an thievin, murdèr an adultèrie,

Luik 12:17

An he swuthered aboot whut he wus gaun tae dae, fer he haed nae ruim tae store ït aa.

Luik 15:2

An tha Pharisees an tha maistèrs o tha Laa kep grummlin an the' saed, “Thïs man ïs weel ïn wi wrangdaers an e'en gaes ïn fer a bite tae ait wi thaim.”

Luik 16:3

Then tha owerseer saed tae hissel, ‘Whut'll A dae whan A hae nae studie wark? A'm no fït tae dïg an A wud be affrontit tae beg.

Luik 18:4

At tha stairt tha judge niver bothert: fer a lang time he dïd naethin. But then he saed tae hissel, ‘Tha mair A dïnnae fear God or care aboot fowk, still wi aa, A wull halp oot thïs weeda wumman, fer she's giein me that much bother. A'm scunnèrt wi hir aye rinnin tae me!’ ”

Luik 3:8

Ye maun show bi tha wye ye leeve that ye hae turnt awa frae yer sïns. Dïnnae stairt sayin tae yersels, ‘We hae Abraham fer oor faither’, an hae daen wi that! Fer A tell ye that oot o thon stanes God can mak weans fer Abraham.

Luik 7:16

The' wur aa hairt-scarred, an the' praised God, sayin, “A pooerfu proaphit haes ris up frae amang iz. God haes cum tae halp hïs fowk oot.”

Luik 7:37

An thair wus thïs wumman wi a baad name aboot tha toon, an whaniver she heerd that Jesus wus aitin at tha Pharisee's hoose, she brocht a wee crock o scent wi hir,

Luik 7:38

an as she wus behin hïm greetin, hir tears stairtit tae faa on Jesus's feet. Tha wumman dryed hïs feet wi tha hair o hir heid, an she kïsst thaim as she poored tha scent ower thaim.

Luik 7:40

Jesus toul hïm, “A want tae tell ye sumthin, Simon.” Simon saed, “Maistèr, whut hae ye tae tell me?”

Jhone 4:19

“Sïr,” tha wumman saed, “Ye maun be a proaphit!

Jhone 7:12

Thair wus a wile lock o whusperin amang tha thrang aboot hïm. Some saed, “Thon's yin guid man.” “Na!” saed ithers. “He's pittin fowk tha wrang róad.”

Jhone 9:24

Then tha man at wus blin wus brocht up afore thaim a saicont time. “God's yer wutness, sae taak tha truith noo,” the' saed. “We ken thïs man Jesus ïs a sïnner.”