Luik 5:30 - Tha Fower Gospels ïn Ulstèr-Scots 2021

³⁰ But tha maistèrs o tha Laa an tha Pharisees wus muttèrin tae tha follaers o Jesus, “Fer why ir ye aitin an drïnkin wi tex men an sïnners?”

Luik 5:30 ပူးပေါင်းရင်းမြစ်များ

Mattha 5:46

If ye jist love thaim at loves you, whut reward wull ye get? Shair even tha tex men daes that!

Mattha 9:11

Whaniver tha Pharisees saen thïs, the' axt hïs follaers, “Whut's yer maistèr daein aitin wi thaim tex men an sïnners?”

Mairk 2:16

Whaniver tha taichers o tha Laa an tha Pharisees saen hïm alang wi tha sïnners an tex men, the' axt hïs follaers, “Whut's he daein aitin wi tex getherers an sïnners?”

Mairk 7:3

(Tha Pharisees an aa tha Jews dïnnae ait afore waashin thair hans, houlin tae tha tradeetion o tha eldèrs.

Mairk 9:16

Jesus axt tha maistèrs o tha Laa, “Whut's thïs thraw aboot?”

Luik 18:11

Tha Pharisee ris tae hïs feet, an prayed tae hissel: ‘O God, A thenk ye that A'm no laik ither fowk, ner fer that mettèr laik thon tex boy ower thonner! A dïnnae chait fowk, A dae naethin wrang, an A keep tae me ain wife. A fast twice ïn tha week, an A gie a tenth o aa A hae.’

Luik 19:7

Aa tha fowk saen thïs, an stairtit tae pass remairks, sayin, “He's stappin ower wi a wrangdaer!”

Luik 5:17

Anither day, as he wus lairnin tha fowk, thair wus Pharisees an taichers o tha Laa sïttin bye. The' haed cum frae aa tha vïllages roon aboot, oot o Galilee, an Judea an Jerusalem, an tha pooer o tha Loard wus thair fer tae hail thaim.

Luik 5:21

Tha maistèrs o tha Laa an tha Pharisees stairtit taakin amang thairsels. “Wha daes he thïnk he ïs, taakin sitch blesphemie? Wha can forgie sïns but God alane?”

Luik 7:34

But tha Sinn o Man cum aitin an drïnkin, an ye say, ‘Wud ye luk at hïm, he's a glutton, an he's tarrible fand o tha drïnk, sae he ïs - tha freen o tex men an wrangdaers!’

Luik 7:39

Noo whaniver tha Pharisee that haed axt hïm tae cum saen thïs, he thocht tae hissel, “If thïs man wus a proaphit, he shud hae kent whut soart o a wumman thïs ïs that toucht hïm. He shud a knowed she's a baad wumman.”