Luik 5:17 - Tha Fower Gospels ïn Ulstèr-Scots 2021

¹⁷ Anither day, as he wus lairnin tha fowk, thair wus Pharisees an taichers o tha Laa sïttin bye. The' haed cum frae aa tha vïllages roon aboot, oot o Galilee, an Judea an Jerusalem, an tha pooer o tha Loard wus thair fer tae hail thaim.

Luik 5:17 ပူးပေါင်းရင်းမြစ်များ

Mattha 11:5

Blin fowk can see noo, lameters can waak, fowk wi leprosie ir made weel. Deef fowk can hear. Tha deid leeve agane. An tha Guid News ïs praicht tae tha puir.

Mattha 15:1

Then some Pharisees an maistèrs o tha Laa cum tae Jesus frae Jerusalem an the' axt hïm,

Mairk 1:45

But insteed, tha man went an toul al roon whut Jesus haed daen fer hïm. Thïs meent that Jesus cudnae be saen gaun ïntae a toon; he haed tae stay oot ïn tha kintrie. But fowk still cum frae aa roon tae see hïm.

Mairk 16:18

the'll lïft snakes up wi thair hans, an ïf the' drïnk onie deidlie puzhion, ït'll no dae thaim onie hairm ava. The'll pit thair hans on seeck fowk an the'll get bettèr agane.”

Mairk 3:22

An some maistèrs o tha Laa cum frae Jerusalem saed, “Beelzebul haes taen hïm ower. It's tha heidyin o tha demons that's giein hïm tha pooer tae cast oot ither demons!”

Mairk 5:30

Richt awa, Jesus kent tha pooer haed gan oot o hïm. He turnt roon tae tha crood, an he axt, “Wha toucht ma claes?”

Mairk 7:1

Noo thair wus some Pharisees, an maistèrs o tha Laa, that haed cum frae Jerusalem, an the' gethert roon Jesus.

Luik 15:2

An tha Pharisees an tha maistèrs o tha Laa kep grummlin an the' saed, “Thïs man ïs weel ïn wi wrangdaers an e'en gaes ïn fer a bite tae ait wi thaim.”

Luik 2:46

Sae ïn tha enn ït wus thrie days afore the' fun hïm. An thair he wus, sïttin ïn tha coortyaird o tha Hoose o God, takkin ïn whut tha taichers wur sayin, an quïzzin thaim.

Luik 5:21

Tha maistèrs o tha Laa an tha Pharisees stairtit taakin amang thairsels. “Wha daes he thïnk he ïs, taakin sitch blesphemie? Wha can forgie sïns but God alane?”

Luik 5:30

But tha maistèrs o tha Laa an tha Pharisees wus muttèrin tae tha follaers o Jesus, “Fer why ir ye aitin an drïnkin wi tex men an sïnners?”

Luik 6:19

An tha hale crood o fowks wantit tae touch hïm acause a pooer o guid wus cumin oot o hïm an curin thaim aa.

Luik 7:30

But tha Pharisees an tha laayers haednae hoult wi God's plan fer thaim. They haednae bin baptised bi Jhone.)

Luik 8:46

Saed Jesus, “Summodie haes toucht me! Fer A felt tha pooer gang oot o me!”

Jhone 3:10

“Wi you bein a taicher o Israel,” saed Jesus, “ye'd thïnk ye wud unnèrstan these thïngs!

Jhone 3:21

But oniebodie that leeves bi tha truith cums ïntae tha licht, sae ït's oot ïn tha apen fer aa tae see, that whut he haes daen wus God's daein.”