Luik 5:1 - Tha Fower Gospels ïn Ulstèr-Scots 2021

¹ Yin day, Jesus wus stannin bi tha Loch o Gennesaret, an aa tha fowk wus croodit roon hïm, püshin an shuvin fer tae hear tha Wurd o God.

Luik 5:1 ပူးပေါင်းရင်းမြစ်များ

Mattha 11:12

Frae tha time Jhone tha Baptiser stairtit tae praich up til noo, fowk ir tryin tae püsh thair wye ïntae tha Kïngdom o Heiven, an violent men ir takkin houl o ït.

Mattha 14:34

Whan the' gaed bak ower tha loch agane, the' landit at Gennesaret.

Mairk 3:9

Tha crood wus that bïg, jundyin roon hïm on tha shore, that he toul hïs follaers tae mak a wee bóat readie fer hïm.

Mairk 4:1

Yinst mair Jesus begun lairnin fowk alang tha loch shore. A wile thrang o fowk haed gethert roon aboot hïm, sae he got ïntae a bóat that wus oot on tha wattèr. He sut doon an toul tha yins on tha shore a hale wheen o thïngs bi parables. Amang thaim wus thïs yin.

Mairk 5:24

An Jesus went alang wi hïm. A bïg thrang o fowk follaed hïm, croodin ïn on hïm.

Mairk 6:53

An whan the' gaed bak ower tha loch agane, the' cum tae lan at Gennesaret, an the' drapt enchor thonner at tha shore.

Luik 12:1

Mainwhile thoosans o fowk gethert up sae thrang that the' wur thrampin yin anither. Jesus spauk furst o aa tae hïs follaers an toul thaim, “Be on yer gaird agin tha yeast o tha Pharisees, fer the' let on tae be guid an the'r faur frae ït!

Luik 5:2

An he saa twa bóats pued up bi tha wattèr's edge. But tha fïshermen wus awa oot o thaim, an the' wur waashin thair neyts.

Luik 8:22

Yin day, Jesus got ïntae a bóat wi hïs follaers, an he saed tae thaim, “C'mon an we'll gang ower tae tha ither side o tha loch”. Sae the' püt oot.

Luik 8:23

Noo while the' wur oot on tha wattèr, Jesus lay doon fer a sleep. An ït begun tae get wile stoarmie, an tha bóat begun tae tak on wattèr. An ït wus tarrible dangeris.

Luik 8:33

Sae tha demons cum oot o Legion, an the' went ïntae tha pïgs. Tha herd tuk aff doon tha hïll, heid furst ïntae tha loch, an tha hale lock wus droont.

Luik 8:45

“Wha toucht me?” axt Jesus. Whan naebodie owned up tae ït, Petèr saed, “Dominie, fowk ir püshin an shuvin aa roon ye [an ye ir wunnèrin wha toucht ye?!]”.

Jhone 1:40

Andra, Simon Petèr's brither, wus yin o tha twa that went eftèr Jesus whaniver the' heerd whut Jhone haed saed.

Jhone 6:1

Eftèr thïs, Jesus went ower tae tha ither side o Loch Galilee (whiles caad Loch Tiberias),