Luik 4:35 - Tha Fower Gospels ïn Ulstèr-Scots 2021

³⁵ But Jesus chackt hïm an saed, “Houl yer wheesht, an cum oot o hïm!” An tha demon throwed hïm tae tha grun fornent thaim aa, an ït cum oot o hïm, an ït dïdnae hurt hïm ava.

Luik 4:35 ပူးပေါင်းရင်းမြစ်များ

Mattha 17:18

Jesus gien tha ïll spïrit a richt barjin, an ït cum oot o tha boy, an he wus bettèr agane frae that verie mïnit.

Mattha 8:26

“Hoo cum yis ir sae feart?” saed he. “Hae yis nae faith ava?” Then he stud up an chackt tha wun an tha waves, an ït wus aa peace an quaitness.

Mairk 1:26

An tha ïll spïrit made tha man trimmle an shake, then ït gie a scraich, an cum oot o hïm.

Mairk 4:39

Up he got, he chackt tha wun an he saed tae tha waves, “Be quait! Lown doon!”. Then tha wun drapt an ït wus aa peace an quaitness.

Mairk 9:26

An tha spïrit gien a scraich an ït throwed tha lad tae tha grun ïn anither fït, jist afore ït cum oot o hïm. Tha wee fella lukt as ïf he haed deed, an sae tha crood saed, “He's deid.”

Luik 11:22

But whaniver a strang'r man attecks an gets tha bettèr o hïm, he taks awa aa tha armour he lippens on, an tha belangins ïs aa divïd oot.

Luik 4:23

He telt thaim thïs, “Nae doot Ye wull quote tha oul saw at me - ‘Doctèr, hail yersel!’ An ye'll say, ‘Whut we heerd ye daen ïn Capernaum, dae ït here ïn yer ain hametoon as weel.’ ”

Luik 4:39

He stud ower hir, an he chackt tha faivir, an ït left hir. She got up at yinst an stairtit tae sarve an luk eftèr thaim.

Luik 4:41

Forbye, demons cum oot o monie o thaim, cryin oot, “Ye ir [Christ,] tha Sinn o God!” An he wud chack thaim, oardèrin thaim no tae spake, fer the' kent that he wus tha Christ.

Luik 8:24

Hïs follaers went up tae hïm an waakent hïm. “Dominie, dominie!” the' caad oot, “we'll be droont!” An Jesus ris, an he chackt tha blowstèrin wun an waves. Aa at yinst tha wun drapt, an tha stoarm wus ower.

Luik 9:39

An a wïckit spïrit ïs aye takkin houl o hïm, an whan ït daes, he lets oot a guldèr, an he stairts tae fït an foam at tha mooth, an ït's onlie eftèr he's bin hurt baad that ït leas hïm.

Luik 9:42

Jist as tha wee lad wus cumin, he faad doon tae tha grun fïttin, an Jesus gien tha wïckit spïrit a richt barjin, an hailt tha wee lad an gien hïm bak tae hïs faither.