Luik 24:44 - Tha Fower Gospels ïn Ulstèr-Scots 2021

⁴⁴ Then he saed tae thaim, “Thïs ïs whut A toul ye whaniver A wus still amang yis, that aa tha thïngs that wur writ doon consarnin me ïn tha Laa o Moses, tha Proaphits an tha Psaums maun cum aboot.”

Luik 24:44 ပူးပေါင်းရင်းမြစ်များ

Mattha 1:22

Noo aa thïs wus daen tae brïng aboot whut tha Loard haed saed throu tha proaphit:

Mattha 16:21

Frae that time on Jesus stairtit tae mak ït clear tae hïs follaers that he maun gae tae Jerusalem, an he maun suffer monies a thïng at tha hans o tha eldèrs, tha heid preeshts an tha maistèrs o tha Laa. He toul thaim that he maun be püt tae deith an be ris up tae life on tha thurd day.

Mattha 26:54

But hoo then wud tha Scrïptures be fülfilled that say ït maun cum aboot tha wye we'r seein noo?”

Mattha 26:56

But thïs haes aa tuk place sae that whut wus writ bi tha proaphits micht cum aboot.” Then aa hïs follaers left hïm an run awa.

Mairk 9:31

fer he wantit tae hae time tae taich hïs follaers. He toul thaim, “Tha Sinn o Man'll be hannit ower tae men that wull kïll hïm. Eftèr thrie days but, he'll rise frae tha deid.”

Luik 21:22

Fer that'll be tha day o God's punishment, an whut wus foretoul bi tha proaphits maun cum aboot.

Luik 22:37

It's writ doon ïn tha Scrïptures: ‘He wus coontit amang tha laa brekkers.’ An A tell yis that whut wus writ doon thair aboot me maun cum aboot. Deed ay, ït wull aa cum aboot.”

Luik 24:46

sayin tae thaim, “It's writ doon that tha Christ maun suffer, he maun dee an rise frae tha deid tha thurd day;

Luik 9:22

An he toul thaim, “Tha Sinn o Man maun suffer monies a thïng an be gien tha coul shoodèr bi tha eldèrs, tha heid preeshts an tha maistèrs o tha Laa. An he maun be püt tae deith an be ris up tae life on tha thurd day.”

Luik 9:44

“Wull yis tak heed tae whut A'm sayin, an let ït sink ïn. Tha Sinn o Man ïs gaun tae be pit ïntae tha pooer o men.”

Jhone 3:14

But jist as Moses püt up tha sarpent on a poul ïn tha wuldèrness, tha Sinn o Man maun be lïftit up tae;

Jhone 5:39

Yis ir aye lukkin at tha ïns an oots o tha Scrïptures, fer ye thïnk that's tha wye ye'll hae ayelastin life. But A'm tha yin tha Scrïptures ïs taakin aboot!

Jhone 5:46

If ye haed hae believed Moses, ye wud hae believed me, fer ït's me he writ aboot.