Luik 16:10 - Tha Fower Gospels ïn Ulstèr-Scots 2021

¹⁰ If yis ir faithfu ïn wee thïngs then yis wull be faithfu ïn bïgger yins. In tha same wye, hïm that's no strecht ïn wee thïngs wull no be strecht ïn bïg thïngs.

Luik 16:10 ပူးပေါင်းရင်းမြစ်များ

Mattha 24:45

Wha ïs a sarvint ye'd caa faithfu an wise? Is ït no tha yin that tha maistèr haes püt ïn chairge o tha ither sarvints ïn hïs hoose, tae gie thaim thair fair share o mait at tha richt time?

Mattha 25:21

Hïs maistèr saed, ‘Ye hae daen weel, ye guid an faithfu sarvint! Ye hae showed A can trust ye wi wee thïngs, sae A'll pit ye ïn chairge o a hale lock mair. Cum alang wi me, an share yer maistèr's happiness!’

Mattha 25:23

Hïs maistèr saed, ‘Ye hae daen weel, ye guid an faithfu sarvint! Ye hae showed A can trust ye wi wee thïngs, sae A'll pit ye ïn chairge o a hale lock mair. Cum alang wi me, an share yer maistèr's happiness!’

Luik 19:17

‘Weel daen!’ saed tha kïng. ‘Ye ir a guid sarvint. Ye hae showed A can trust ye ïn wee thïngs. A'll gie ye ten cïties tae rin!’

Jhone 12:6

He dïdnae say that oot o peetie fer tha puir, but becas he wus a thief. He kep tha siller-pooch an he jist dïppt ïntae ït fer hïs ain use whan he wantit.

Jhone 13:2

Supper wus gettin püt oot, an tha deil haed aareadie püt tha thocht ïntae tha hairt o Judas Iscariot, sinn o Simon, tae bethray Jesus.

Jhone 13:27

Tha mïnit Judas tuk tha breid, tha Deil wus ïn hïm. “Whut ye'r fer daein,” Jesus telt hïm, “dae ït quïck!”