Luik 15:28 - Tha Fower Gospels ïn Ulstèr-Scots 2021

²⁸ Tha ouler brither wus rïppin an he wudnae gae ïntae tha hoose; sae hïs faither cum oot an tried tae taak hïm roon.

Luik 15:28 ပူးပေါင်းရင်းမြစ်များ

Mattha 20:11

Whaniver the' got ït, the' stairtit tae grummle agin tha fairmer.

Mairk 1:40

An thïs leper cum tae Jesus, got doon on hïs knees, an begged hïm, “If ye hae a mine tae, ye can mak me clain!”

Luik 13:34

O Jerusalem, Jerusalem, ye kïll tha proaphits an stane thaim that's sent tae ye! Monies tha time A wantit tae gether yer weans thegither, laik a hen gethers hir lachter o wee burds unnèr hir wïngs, but yis wudnae let me!

Luik 15:2

An tha Pharisees an tha maistèrs o tha Laa kep grummlin an the' saed, “Thïs man ïs weel ïn wi wrangdaers an e'en gaes ïn fer a bite tae ait wi thaim.”

Luik 15:27

Tha sarvint toul hïm, ‘Yer brither haes cum hame, an yer faither haes kïllt tha wee kwye we wur fattenin, fer he's gled tae hae hïs sinn hame safe an siccar.’

Luik 15:29

But he saed tae hïs faither, ‘Luk, A hae wrocht haird fer ye aa these yeirs, an no yinst hae A no daen yer bïddin. Aa thïs time ye niver even gien me a wee góat tae hae a swaree wi ma freens!

Luik 24:47

an that wi ma thortie yis ir tae praich thïs message tae aa nations: ‘Repent o yer sïns, an God wull forgie yis.’ Yis ir tae stairt frae Jerusalem.

Luik 5:30

But tha maistèrs o tha Laa an tha Pharisees wus muttèrin tae tha follaers o Jesus, “Fer why ir ye aitin an drïnkin wi tex men an sïnners?”

Luik 7:39

Noo whaniver tha Pharisee that haed axt hïm tae cum saen thïs, he thocht tae hissel, “If thïs man wus a proaphit, he shud hae kent whut soart o a wumman thïs ïs that toucht hïm. He shud a knowed she's a baad wumman.”