Luik 12:28 - Tha Fower Gospels ïn Ulstèr-Scots 2021

²⁸ An ïf God pits claes on tha gress ïn tha fiel that's here theday an throwed ïntae tha fire themorra, dae you dooters no unnèrstan that he'll luk eftèr you anaa?.

Luik 12:28 ပူးပေါင်းရင်းမြစ်များ

Mattha 14:31

At yinst Jesus raxt oot hïs han an grïpt hïm. “Hae ye nae faith ava?” he saed. “Why dïd ye doot me?”

Mattha 16:8

Jesus kent whut the' wur on aboot, sae he saed tae thaim, “Fer why ir ye taakin amang yersels aboot haein nae breid? Hae yis nae faith ava?

Mattha 17:17

“You fowk ir faithless an aisie led,” Jesus saed. “Hoo lang wull A be wi ye afore yis believe? Hoo lang dae A hae tae pit up wi ye? Brïng tha wee lad here tae me.”

Mattha 17:20

He saed, “Acause yer faith ïs sae waik. A tell ye tha truith, ïf yis hae faith as smaa as a mustèrt seed even, yis'll say tae thïs muntin, ‘Shïft frae here tae thair,’ an ït'll shïft! Naethin wull be impoassible fer ye.”

Mattha 6:30

An ïf that ïs tha wye God pits claes on tha gress o tha fiel, that's here theday an throwed ïntae tha fire themorra, dae you dooters no unnèrstan that he'll luk eftèr you anaa?

Mattha 8:26

“Hoo cum yis ir sae feart?” saed he. “Hae yis nae faith ava?” Then he stud up an chackt tha wun an tha waves, an ït wus aa peace an quaitness.

Luik 8:25

“Whar ïs yer faith?” he axt thaim. An the' wur feart, an the' wunnèrt, an the' saed tae yin anither, “Whut kine o a man ïs thïs, that can mak e'en tha wun an tha waves dae as he bïds thaim!”