Luik 11:42 - Tha Fower Gospels ïn Ulstèr-Scots 2021

⁴² Lïsten here, wae faa ye, Pharisees, ye gie a tenth o yer gairden spices sitch as mint an rue, but ye hae neglectit justice, an ye dïnnae love God. But ye shudnae ferget tae be fair an kine tae ithers, an tae love God, as weel as giein yer tenth.

Luik 11:42 ပူးပေါင်းရင်းမြစ်များ

Mattha 23:13

Wae faa ye, maistèrs o tha Laa an Pharisees, ye hippycrates! Fer ye shut tha dure o tha Kïngdom o Heiven ïn fowks' faces. You yersels dïnnae enter, an yis'll no alloo thaim tae enter that's tryin tae git ïn!

Mattha 23:23

Wae faa ye, maistèrs o tha Laa an Pharisees, ye hippycrates! Ye gie a tenth o yer gairden spices - yer mint, dill an cummin. But yis hae neglectit tha mair impoartin mettèrs o tha Laa - justice, mercie an faith. Gie yer tenth, but dïnnae ferget tae be fair an kine tae ithers, as weel.

Mattha 23:27

Wae faa ye, maistèrs o tha Laa an Pharisees, ye hippycrates! Ye ir laik white-waashed graves, that luk quare an nice on tha ootside but on tha inside the'r fu o deid men's banes an iveriethin that's no clain.

Jhone 5:42

But A know richtlie whut yous ir laik. A ken that yis dïnnae hae tha love o God ïn yer hairts.