Jhone 8:44 - Tha Fower Gospels ïn Ulstèr-Scots 2021

⁴⁴ Ye belang tae your faither, tha deil, an ye'r wantin tae dae whut's ïn yer faither's hairt. He wus a murdèrer richt frae tha stairt, nae freen o tha truith, fer thair's nae truith ïn hïm. Whan he tells lees, he taaks hïs ain leid, fer he's a doonricht liar, ay, tha faither o lees.

Jhone 8:44 ပူးပေါင်းရင်းမြစ်များ

Mattha 12:34

Ye sleekit shooer o vipers, hoo can ye say ocht that's guid whan ye'r wïckit yersels? Fer whut's ïn yer hairt wull cum oot o yer mooth.

Mattha 13:15

Fer tha hairt o these fowk haes becum haird; the' can harlie hear wi thair ears, an the' hae shut thair een. Itherwise the' cud see wi thair een, the' cud hear wi thair ears, the' cud unnèrstan wi thair hairts, an the' wud turn tae me, tae hail thaim.”’

Mattha 13:38

Tha fiel ïs tha warl, an tha guid seed stans fer tha sinns o tha Kïngdom. Tha weeds stans fer tha childèr o tha wïckit yin,

Jhone 6:70

An Jesus reponed, “Dïd A no pïck tha twal o ye? But fer aa that, yin o yis ïs a deil!”

Jhone 7:17

If oniebodie haes a mine tae dae tha wull o God, he'll fin oot ïf ma taichin cums frae God, or whuther ït's jist ma ain.

Jhone 8:38

A'm tellin ye whut A saa whan A wus alang wi ma Faither; but yous follae tha bïddin o your faither.”

Jhone 8:41

Yous jist dae whut yer ain faither daes!” “Nane o iz wus boarn ootbye a laafu femlie,” the' answert bak. “We hae tha yin faither, an that's God hissel!”

Jhone 8:55

Tha mair yous dïnnae ken hïm, A ken hïm weel. If A saed A dïdnae, that wud mak me a liar laik yous! But A dae ken hïm an A houl tae hïs wurd.