Jhone 8:2 - Tha Fower Gospels ïn Ulstèr-Scots 2021

² At furst licht, he turnt up yinst mair ïn tha Temple coorts, whar aa tha fowk gethert roon hïm, an he sut doon an begun lairnin thaim.

Jhone 8:2 ပူးပေါင်းရင်းမြစ်များ

Mattha 26:55

At that time Jesus saed tae tha crood, “Am A some soart o a reiver, that yis hae cum oot agin me wi swords an stavs fer tae tak me? Shair A sut ïn tha Hoose o God iverie day taichin, an yis niver layed a han on me!

Luik 21:37

Iverie day, Jesus went tae tha Hoose o God tae taich tha fowk, but he spent iverie nicht on tha Moont o Olives.

Luik 21:38

An aa tha fowk cum at tha furst licht tae lïsten tae hïm ïn tha Hoose o God.

Luik 4:20

Whan Jesus haed rowlt up tha screed, he gien ït bak tae tha man ïn chairge, an he sut doon. An naebodie ïn tha Meetin Hoose cud tak thair een aff hïm.

Luik 5:3

An Jesus got ïntae yin o tha bóats, whut belanged tae Simon, an axt hïm tae pit oot a weethin frae tha lan. An he sut doon an taicht tha fowk frae tha bóat.

Jhone 4:34

“Ma mait,” saed Jesus, “ïs daein tha wull o hïm that sent me, an tae get hïs wark aa daen.

Jhone 8:20

He telt thaim aa thïs whaniver he wus lairnin fowks ïn tha Temple yaird, nearhan tha kïst fer tha offerins. Aa tha same, naebodie layed a fïng'r on hïm, fer hïs time wusnae cum yit.

Jhone 8:3

Tha maistèrs o tha laa an tha Pharisees brocht ïn a wumman catched ïn adultèrie. The' gart hir tae stan ïn tha mïddle o tha getherin,