Jhone 7:37 - Tha Fower Gospels ïn Ulstèr-Scots 2021

³⁷ On tha last day - tha bïg day - o tha Faist, Jesus stud up an caad oot lood, “If oniebodie haes a druith on thaim, cum tae me an tak a drïnk.

Jhone 7:37 ပူးပေါင်းရင်းမြစ်များ

Mattha 11:28

Cum tae me, aa you that's wearie an burdent, an A wull gie ye rest.

Mattha 3:3

Jhone ïs tha yin tha proaphit Isaiah spauk aboot, tellin: “Thair's a voice cryin oot ïn tha wiles, ‘Mak tha wye readie fer tha Loard, mak hïs pads strecht fer hïm!’ ”

Mattha 5:6

Blisst ir tha yins that hae a hung'r an a druith fer whut's richt, fer the' wull get thair fïll.

Jhone 1:23

Jhone answert wi tha wurds o Isaiah tha proaphit, “A'm tha voice o yin caain oot ïn tha wiles, ‘Mak tha róad readie fer tha Loard cumin.’ ”

Jhone 14:6

Jesus reponed, “A be tha róad, an tha truith, an tha life. Naebodie cums tae tha Faither but throu me.

Jhone 4:10

Jesus gien hir tha answer, “If ye haed onlie but knowed whut God haes tae gie, an wha's axin ye fer tha drïnk, ye wud hae axt hïm, an he wud hae gien ye tha leevin wattèr.”

Jhone 4:11

“Sïr,” qo she, “Ye hae naethin tae lave tha wattèr oot wi, an tha wal ïs brave an deep. Whar dae ye get thïs leevin wattèr frae?

Jhone 4:14

But oniebodie that taks a drïnk o tha wattèr that A gie hïm wull niver hae a druith agane. Deed, ay, tha wattèr A gie hïm wull be a wattèr spoot, wallin up tae ayelastin life.”

Jhone 5:40

An yit ye wull no cum tae me tae hae life.

Jhone 6:35

An Jesus saed tae thaim, “A am tha breid o life. Hïm that cums tae me wull niver get hung'rie, an hïm that believes ïn me wull niver hae a druith agane.

Jhone 6:37

Aa that tha Faither gies me wull cum tae me, an oniebodie that cums tae me A'll niver turn thaim awa.

Jhone 6:55

Fer ma flesh ïs tha rael mait, an ma bluid ïs tha rael drïnk.

Jhone 7:28

An sae whaniver Jesus wus taichin ïn tha Temple coorts, he caad oot, “Ay, ye thïnk ye ken me, an ye thïnk ye ken whar A cum frae! But A'm no here on ma ain accoont. Hïm that sent me ïs true. Hïm yis dïnnae ken.