Jhone 7:28 - Tha Fower Gospels ïn Ulstèr-Scots 2021

²⁸ An sae whaniver Jesus wus taichin ïn tha Temple coorts, he caad oot, “Ay, ye thïnk ye ken me, an ye thïnk ye ken whar A cum frae! But A'm no here on ma ain accoont. Hïm that sent me ïs true. Hïm yis dïnnae ken.

Jhone 7:28 ပူးပေါင်းရင်းမြစ်များ

Mattha 11:27

Ma Faither haes gien aa thïngs ower tae me, an naebodie unnèrstans tha Sinn apairt frae tha Faither, an naebodie unnèrstans tha Faither apairt frae tha Sinn, an whaiver tha Sinn wants tae reveal hïm tae.

Mattha 2:23

an he went an settelt doon ïn a toon caad Nazareth. An sae ït cum tae pass whut wus saed bi tha proaphits: “He wull be caad a Nazarene.”

Mattha 26:55

At that time Jesus saed tae tha crood, “Am A some soart o a reiver, that yis hae cum oot agin me wi swords an stavs fer tae tak me? Shair A sut ïn tha Hoose o God iverie day taichin, an yis niver layed a han on me!

Luik 10:22

Ma Faither haes gien aa thïngs ower tae me, an naebodie kens wha tha Sinn raelie ïs apairt frae tha Faither, an naebodie fu kens tha Faither apairt frae tha Sinn, an whaiver tha Sinn wants tae reveal hïm tae.”

Luik 2:11

Tha Saviour, ay, tha Christ, tha Loard, haes thïs nicht bin boarn ïn Bethlehem, tha toon o Davit.

Luik 2:39

Eftèr Mary an Joseph haed cairriet oot aa that needit daen tae keep tha Laa, the' went bak hame tae tha toon o Nazareth ïn Galilee.

Luik 2:4

Noo acause Joseph's femlie went bak tae Kïng Davit, he haed cum frae Nazareth ïn Galilee tae Bethlehem ïn Judea, whar Davit wus frae.

Luik 2:51

Jesus went bak doon tae Nazareth wi thaim an aye daen as he wus bïd, but Mary kep aa these thïngs ïn hir hairt.

Jhone 1:46

“Nazareth! Cud ye iver see ocht guid cumin oot o thonner?” Thannie axt. “Cum an see fer yersel,” saed Phïlip.

Jhone 12:49

Fer A wusnae taakin on ma ain accoont, but tha Faither that sent me toul me whut tae say, an hoo tae say ït.

Jhone 14:10

Phïlip, dae ye no believe that A be ïn tha Faither an tha Faither's ïn me? Tha wurds A'm taakin til yis ir no jist ma ain. Na, ït's tha Faither, leevin ïn me, wha's daein hïs wark.

Jhone 14:31

but A'll dae whut aa ma Faither bïds me dae, sae as tha warl micht lairn that A love tha Faither. Weel, cum on noo, we'll be up an awa!”

Jhone 16:3

An the' wull dae tha laik o thon becas the' hinnae knowed tha Faither ner me.

Jhone 17:25

O Faither, you that aye daes whut's richt, tha mair tha warl daesnae ken ye, A ken ye; an these follaers o mine ken that ye hae sent me.

Jhone 17:3

Noo thïs ïs ayelastin life: that the' can know you, tha yin true God, an Jesus Christ, that ye hae sent.

Jhone 3:2

He cum tae Jesus at nicht an saed, “Rabbi, we ken ye'r a taicher that haes cum frae God, fer naebodie cud wark these signs ye ir daein ïf God wusnae wi hïm.”

Jhone 3:33

Tha yin that daes tak heed o ït, tha same yin wud warrant that God spakes tha truith.

Jhone 5:32

But thair's anither yin that gies me a guid testimonie, an A ken that hïs testimonie aboot me stans up.

Jhone 5:43

A hae cum ïn ma Faither's name an ye wudnae pye onie heed tae me; but ïf anither bodie cums ïn hïs ain name, ye wud tak heed o hïm, sae ye wud.

Jhone 6:42

The' saed, “Is thon no Jesus, hïm that's tha sinn o Joseph? Shair we ken hïs faither an mither! Hoo cum he's noo sayin, ‘A cum doon frae heiven’?”

Jhone 7:14

Whan tha Faist wus half ower, Jesus gaed up tae tha coortyaird o tha Hoose o God, an he stairtit lairnin tha fowks.

Jhone 8:14

But Jesus cum bak wi thïs: “Tha mair A gie ma ain testimonie, ma testimonie stans, fer A ken whar A cum frae an whar A'm gaun. But yous hae nae notion o whar A hae cum frae, or whar A'm gaun.

Jhone 8:16

But ïf A dïd judge, ye wud fin ma judgemens wud be richt. It's no me ectin on ma lane, fer tha Faither that sent me stans alang wi me.

Jhone 8:19

An sae the' axt hïm, “Whar's yer Faither at?” “Ye nether know me ner ma Faither,” qo Jesus. “If ye knowed me, ye wud know ma Faither forbye.”

Jhone 8:26

“A hae monies a thïng A cud say aboot yis, an tae condemn yis wi. A'll no say ït but. Hïm that sent me ïs siccar, an ït's whut A hae heerd frae hïm that A tell tha warl.”

Jhone 8:42

Jesus telt thaim, “If God wus yer Faither, ye wud love me, fer A cum frae God, an noo here A be. A'm no cum on ma ain accoont; ït wus hïm that sent me.

Jhone 9:29

We ken that God spauk wi Moses, but we dïnnae even ken whar thïs fella cums frae.”