Jhone 7:12 - Tha Fower Gospels ïn Ulstèr-Scots 2021

¹² Thair wus a wile lock o whusperin amang tha thrang aboot hïm. Some saed, “Thon's yin guid man.” “Na!” saed ithers. “He's pittin fowk tha wrang róad.”

Jhone 7:12 ပူးပေါင်းရင်းမြစ်များ

Mattha 10:25

Whut mair can tha follaer ax than tae be laik hïs taicher, or tha sarvint tae be laik hïs maistèr? Gin the' hae caad tha heid o tha hoose Beelzebul, weel, whut wull the' no caa aa tha yins o hïs hoosehold!

Mattha 21:46

The' lukt fer a wye tae hae hïm arrestit, but the' wur feart o tha thrang, acause tha fowk tuk hïm fer a proaphit.

Mattha 27:63

“Sïr,” the' saed, “whaniver that deceiver wus still leevin, we mine hïm sayin, ‘Eftèr thrie days A wull rise agane.’

Luik 18:19

An Jesus saed bak tae hïm, “Why ir ye caain me guid? Thair's naebodie guid, apairt frae God.

Luik 23:47

Noo whan tha centurion saen whut wus daen, he gien glorie tae God, an saed, “Thon man wus a guid man, that's fer shair!”

Luik 23:50

Noo thair wus a man caad Joseph, a coonciller, a guid an dacent man, that haednae gan alang wi thair deceesion tae kïll Jesus. He wus frae Arimathea, a toon o tha Jews, an he wus bidin hïs time, waitin on tha Kïngdom o God tae cum.

Luik 6:45

A guid man brïngs guid oot o tha guidness stored ïn hïs hairt, an a evil man brïngs evil oot o tha evil ïn hïs hairt. Fer whutiver hïs hairt ïs fu o, that's whut cums oot o hïs mooth.

Luik 7:16

The' wur aa hairt-scarred, an the' praised God, sayin, “A pooerfu proaphit haes ris up frae amang iz. God haes cum tae halp hïs fowk oot.”

Jhone 6:14

An whaniver tha fowk saa tha wunnèr Jesus wrocht, the' saed, “Thair's nae doot thïs maun be thon Proaphit the' saed wud cum ïntae tha warl.”

Jhone 7:32

Tha Pharisees heerd tha whuspers gaun roon tha crood aboot hïm. An sae tha heid preeshts an tha Pharisees sent sodgers o tha Temple Gaird tae tak hïm ïn.

Jhone 7:47

“Ye'r no tellin iz he haes tuk yous ïn anaa?” tha Pharisees speered.

Jhone 7:52

The' cum bak an saed, “Ir you frae Galilee anaa? Luk ïntae ït an ye'll fin that nae proaphit cums oot o Galilee.”

Jhone 9:16

A nummer o tha Pharisees saed, “Thïs man ïsnae frae God, fer he daesnae keep tha Sabbath.” But ithers axt, “Hoo cud a sïnner dae aa thaim mïracles?” An the' wur divïd ower tha heid o ït.