Jhone 5:39 - Tha Fower Gospels ïn Ulstèr-Scots 2021

³⁹ Yis ir aye lukkin at tha ïns an oots o tha Scrïptures, fer ye thïnk that's tha wye ye'll hae ayelastin life. But A'm tha yin tha Scrïptures ïs taakin aboot!

Jhone 5:39 ပူးပေါင်းရင်းမြစ်များ

Mattha 22:29

Jesus answert, “Ye ir no richt ava, fer ye dïnnae ken tha Scrïptures an ye dïnnae ken tha pooer o God!

Mairk 10:3

An he answert, “Whut dïd Moses tell yis tae dae?”

Mairk 12:10

Hae yis no read tha Scrïpture whar ït says: Tha verie stane tha masons turnt doon ïs noo tha coarner stane. Tha Loard hissel haes wrocht thïs, An a wunnèrfu sicht ït ïs!”

Luik 16:29

But Abraham saed bak tae hïm, ‘The' hae bin aareadie warnt bi Moses an tha proaphits - let thaim tak heed tae that warnin!’

Luik 16:31

But Abraham saed, ‘If the' dïnnae heed whut Moses an tha proaphits toul thaim, then ït'll no mak onie dïffernce ïf summodie cum bak tae thaim frae tha deid.’ ”

Luik 24:25

Then Jesus saed tae tha twa o thaim, “Ye coofs, yis ir slow tae tak ïn aa that tha proaphits spauk aboot!

Luik 24:27

An stairtin wi Moses an aa tha proaphits, he made plain tae thaim whut aa tha Scrïptures saed aboot hissel.

Luik 24:44

Then he saed tae thaim, “Thïs ïs whut A toul ye whaniver A wus still amang yis, that aa tha thïngs that wur writ doon consarnin me ïn tha Laa o Moses, tha Proaphits an tha Psaums maun cum aboot.”

Jhone 1:45

Phïlip fun Thannie an toul hïm, “We hae fun tha yin Moses writ aboot ïn tha Laa, hïm that tha proaphits writ aboot forbye - Jesus o Nazareth, tha sinn o Joseph.”

Jhone 5:32

But thair's anither yin that gies me a guid testimonie, an A ken that hïs testimonie aboot me stans up.

Jhone 5:36

But A hae testimonie that houls mair wecht ner Jhone's. Fer tha verie wark that tha Faither haes gien me tae feenish, that's whut A am aboot noo, an ït's wutness tae yin an aa that tha Faither haes sent me.

Jhone 5:40

An yit ye wull no cum tae me tae hae life.

Jhone 5:46

If ye haed hae believed Moses, ye wud hae believed me, fer ït's me he writ aboot.

Jhone 7:52

The' cum bak an saed, “Ir you frae Galilee anaa? Luk ïntae ït an ye'll fin that nae proaphit cums oot o Galilee.”